Ajit Pawar : राज्याचे उपमुख्यमंत्री अजित पवार यांच्यावर बारामतीतील विद्या प्रतिष्ठानच्या प्रांगणात अत्यंसंस्कार करण्यात आले. या मैदानावर मोठा जनसागर जमा झाला होता. देशासह राज्याचे अनेक नेते अजित पवार यांच्या अत्यंविधीचे दर्शन घेण्यासाठी अत्यंविधीस्थळी दाखल झाले होते. पदाधिकारी कार्यकर्त्यांपासून सगळेचजण मैदानावर ‘अजित पवार अमर रहे’च्या घोषणा देत आहेत.
Ajit Pawar
अत्यंत भावुक क्षण संबंध महाराष्ट्रासाठी आहे. बारामती शोकसागरात बुडाली आहे. पोरकेपणाची भावना बारामतीकरांसाठी आहे. अजित पवार हे काल सकाळी खाजगी विमानाने मुंबईहून बारामतीकडे रवाना झाले होते. बारामती विमानतळावर लँडिंगदरम्यान त्यांच्या विमानाचा भीषण अपघात झाला.
Ajit Pawar
या दुर्घेटनेत अजित पवारांसह एकूण पाच जणांचा मृत्यू झाला. २८ जानेवारी बुधवारी सकाळी सुमारे ८.४५ वाजताच्या सुमारास ही घटना घडली. सुरुवातीला या अपघाताबाबत कोणतीही अधिकृत माहिती उपलब्ध नव्हती. मात्र, विमान दुर्घेटना होऊन त्यात अजित पवारांचा मृत्यू झाल्याचे धक्कादायक वृत्त समोर आले.
Ajit Pawar
या अंत्यविधीला मुख्यमंत्री, दोन्ही उपमुख्यमंत्री, केंद्रीय गृहमंत्री अमित शहा, भाजपचे राष्ट्रीय अध्यक्ष जे. पी. नड्डा यांच्यासह देश राज्यातील अनेक ज्येष्ठ नेते, प्रशासकीय अधिकारी आणि विविध क्षेत्रांतील मान्यवर उपस्थित होते.
Ajit Pawar
अजित पवार यांनी १९८९ मध्ये आपल्या राजकीय जीवनाला सुरुवात केली. तेव्हा ते को-ऑपरेटिव्ह शुगर फॅक्ट्रीच्या बोर्डावर निवडून गेले होते. यानंतर, १९९१ साली पुणे जिल्हा बँकेच्या अध्यक्षपदी अजित पवारांची निवड झाली.
Ajit Pawar
अजित पवार १९९१ साली बारामती लोकसभा मतदार संघातून खासदार म्हणून निवडून आले. या काळात ते कृषी, फलोत्पादन आणि उर्जा या खात्याचे राज्यमंत्री होते. १९९१ ते १९९५ या काळात ते विधानसभा सदस्य होते. अजित पवार नोव्हेंबर १९९२ ते फेब्रुवारी १९९३ या काळात जलसंधारण, ऊर्जा आणि नियोजन या खात्याचे राज्यमंत्री होते.
Ajit Pawar
१९९१ सालपासून अजित पवार विधानसभा सदस्य आहेत. १९९९ ते २००४ या काळात ते पाणीपुरवठा व स्वच्छता, पाटबंधारे आणि फलोत्पादन या खात्याचे राज्यमंत्री होते. १९९५ पासून २०१९ पर्यंत सलग ७ वेळा अजित पवार बारामती विधानसभा मतदार संघाचे आमदार आहेत. मंत्री, अर्थमंत्री, उपमुख्यमंत्री, विरोधीपक्ष नेते अशी पदं अजित पवारांनी भूषवली होती.
