Shah Rukh Khan | बॉलीवूड अभिनेता शाहरुख खान अडचणीत सापडला आहे. त्याच्या एका कृतीमुळे त्याच्यावर संताप व्यक्त केला जात आहे. एकीकडे बांग्लादेशात हिंसाचार सुरू असून सतत हिंदुंवर अन्याय, अत्याचार होत आहेत. दुसरीकडे, शाहरुख खानवर आयपीएलमध्ये बांगलादेशी क्रिकेटपटू रहमान खानला सुमारे 9.5 कोटींना खरेदी केल्याचा आरोप करण्यात आला आहे. यावरून त्याच्यावर देशभरातून संताप व्यक्त केला जात आहे. अभिनेता शाहरुख खाननं आपल्या आयपीएल संघासाठी बांगलादेशी खेळाडूला विकत घेण्याच्या निर्णयाविरोधात हिंदू महासभेनं तीव्र निषेध व्यक्त केला आहे. इतकेच काय तर शाहरुख खानला बांग्लादेशात पाठवण्याची मागणी केली जातेय. तसेच तो गद्दार असून त्याला देशाबाहेर हाकलण्याचीही मागणी होतेय. Shah Rukh Khan | यासंदर्भात दिनेश फलाहारी महाराजांनी पंतप्रधानांना पत्र लिहिलं आहे. ‘शाहरुख खानला बांगलादेशातील हिंदूंवर होणाऱ्या अन्यायाबाबतची माहिती असतानाही त्यानं बांगलादेशी क्रिकेटपटू रहमानला लाखो रुपये देऊन विकत घेतलं. शाहरुखचे संबंध बांग्लादेशातील दहशतवाद्यांसोबतही असू शकतात. देशातील शाहरुख खानसारख्या सर्व व्यक्तींची यादी तयार करून त्यांना बांग्लादेशात पाठवलं जावं,’ अशी मागणी त्यांनी पत्राद्वारे केली आहे. Shah Rukh Khan | शाहरुख खानची जीभ छाटणाऱ्याला 1 लाख रोख बक्षीस याबाबत अखिल भारतीय हिंदू महासभा आग्रा जिल्हा अध्यक्षा मीरा राठोड म्हणाल्या की, “बांग्लादेशात आमच्या हिंदू बांधवांना जाळून मारण्यात आलं आणि हा माणूस तिथल्याच लोकांना विकत घेऊन इथे खेळवतोय. जो कोणी शाहरुख खानची जीभ छाटेल, त्याला आम्ही 1 लाख रोख बक्षीस देऊ. आमच्या बांधवांच्या बाबतीत जे घडतंय, ते चुकीचं आहे.” हेही वाचा: ठरलेल्या फॅार्म्युल्यात बदल! ‘या’ महापालिकेत भाजपकडून शिंदेसेनेचा करेक्ट कार्यक्रम झाल्याची जोरदार चर्चा
