Lok Sabha Speaker Election । 18 व्या लोकसभेच्या अध्यक्षपदासाठी आज निवडणूक होत आहे. सभापतीपदासाठी एनडीएकडून ओम बिर्ला, तर विरोधी पक्ष इंडिया आघाडीकडून के. सुरेश समोरासमोर आहे. आता ममता बॅनर्जी यांचा पक्ष तृणमूल काँग्रेसनेही इंडिया ब्लॉकच्या उमेदवाराला पाठिंबा देण्याची घोषणा केली आहे. याआधी ममता बॅनर्जी नाराज असल्याची बातमी आली होती. राहुल गांधी यांनी मंगळवारी स्पीकर निवडणुकीच्या मुद्द्यावर बॅनर्जी यांच्याशी फोनवर चर्चा केली होती. राहुल गांधी यांनी मंगळवारी ममता बॅनर्जी यांच्याशी 20 मिनिटे फोनवर चर्चा केली. सभापतीपदासाठी के. सुरेश यांना इंडिया ब्लॉकचे उमेदवार घोषित केल्याने बॅनर्जी नाराज आहेत. ममता बॅनर्जी यांनी हा एकतर्फी निर्णय असल्याचे म्हटले आहे. अशी चर्चा होती. यानंतर टीएमसीने काल रात्री डेरेक ओब्रायन आणि कल्याण बॅनर्जी यांना मल्लिकार्जुन खरगे यांच्या निवासस्थानी भेटीसाठी पाठवले होते. आता TMC ने आपल्या सर्व लोकसभा खासदारांना सकाळी 10.40 वाजता संसद भवनात एकत्र येण्याचा व्हीप जारी केला आहे. दरम्यान, उमेदवारी जाहीर करण्यापूर्वी याबाबत टीएमसीकडून कोणताही सल्ला घेण्यात आलेला नाही, असे टीएमसीचे म्हणणे आहे. तृणमूल काँग्रेसचे सरचिटणीस अभिषेक बॅनर्जी म्हणाले की, आमच्या पक्षाकडून याबाबत कोणताही सल्ला घेण्यात आलेला नाही. आमच्याशी कोणीही संपर्क साधला नाही. हा एकतर्फी निर्णय आहे. ते म्हणाले की के. सुरेश यांना पाठिंबा देण्याबाबत अंतिम निर्णय टीएमसी प्रमुख ममता बॅनर्जी घेतील.अशा स्थितीत के. सुरेश यांच्या नामांकनावर तीन मोठ्या पक्षांनी स्वाक्षरी केली आहे, मात्र टीएमसीने अद्याप स्वाक्षरी केलेली नाही. काँग्रेसने एकट्याने असे निर्णय घेतल्याने टीएमसी संतप्त असल्याचे मानले जात आहे. या पक्षांनी के. सुरेश यांच्या नामांकनावर स्वाक्षरी झाली द्रमुक, शिवसेना, राष्ट्रवादी काँग्रेस (शरद पवार) आणि इंडिया आघाडीतील इतर प्रमुख पक्ष के. सुरेश यांच्या उमेदवारी अर्जावर स्वाक्षऱ्या झाल्या आहेत. त्याच वेळी, टीएमसीने अद्याप स्वाक्षरी केलेली नाही. टीएमसीचे खासदार पक्षप्रमुख आणि पश्चिम बंगालच्या मुख्यमंत्री ममता बॅनर्जी यांच्या मंजुरीची वाट पाहत आहे.
