Delhi Election 2025: दिल्लीत निवडणुकीच्या लढतीची तयारी पूर्ण झाली आहे. यासोबतच निवडणुकीच्या मैदानात उतरलेल्या तीन प्रमुख पक्षांनी आपले उमेदवार जाहीर केले आहेत. यातील सर्वात खास गोष्ट म्हणजे ज्या पक्षांनी विविध व्यासपीठांवर ‘परिवारवाद’ हा मुद्दा बनवला, त्यांनी 2025 च्या दिल्ली निवडणुकीत ‘घराणेशाही’ टाळली नाही. तिन्ही प्रमुख पक्षांनी आपापल्या नेत्यांच्या मुला-मुलींना त्यांच्या पत्नीसह मैदानात उतरवले आहे.

दिल्लीत 5 फेब्रुवारीला मतदान होणार आहे. तर 8 फेब्रुवारीला निकाल जाहीर होणार आहेत. दिल्लीत काँग्रेस आणि आम आदमी पक्षाने याआधी विधानसभेच्या महत्त्वाच्या जागा जिंकलेल्या नेत्यांच्या कुटुंबीयांना किंवा नातेवाईकांनाच उमेदवारी दिली आहे. तर भाजपही मागे राहिला नाही. एकूण तीन जागांवर भाजपने माजी राजकारण्यांच्या कुटुंबीयांना प्राधान्य दिले आहे.

आम आदमी पक्षाने सहा उमेदवारांना तिकीट वाटप केले –

आम आदमी पार्टीने मटिया महलमधून आले इक्बाल यांना तिकीट दिले आहे. जो आप आमदार शोएब इक्बाल यांचा मुलगा आहे. कृष्णानगर विधानसभा मतदारसंघातील उमेदवार विकास बग्गा हे कृष्णनगरचे विद्यमान आमदार एसके बग्गा यांचे पुत्र आहेत. चांदणी चौकातील आपचे उमेदवार पुरणदीप सिंह हे चांदणी चौकातील विद्यमान आमदार प्रल्हाद सिंह यांचे पुत्र आहेत. तर सीलमपूरचे उमेदवार चौधरी झुबेर अहमद हे माजी आमदार मतीन अहमद यांचे पुत्र आहेत. द्वारका येथील आम आदमी पक्षाचे उमेदवार विनय कुमार मिश्रा हे माजी खासदार आणि आमदार महाबल मिश्रा यांचे पुत्र आहेत. याशिवाय उत्तम नगरमधील आपच्या उमेदवार पूजा बालयान या उत्तर नगरमधील विद्यमान आमदार नरेश बालयान यांच्या पत्नी आहेत. जे सध्या तुरुंगात आहेत.

काँग्रेसकडून आठ उमेदवारांच्या तिकिटात ‘घराणेशाही’ला प्राधान्य –

नवी दिल्ली विधानसभा मतदारसंघातून काँग्रेसने संदीप दीक्षित यांना उमेदवारी दिली आहे. जे माजी मुख्यमंत्री शीला दीक्षित यांचे पुत्र आहेत. मुदित अग्रवाल यांना चांदणी चौकातून उमेदवारी देण्यात आली आहे. मुदित हे माजी खासदार जेपी अग्रवाल यांचे पुत्र आहे. याशिवाय द्वारका येथील काँग्रेसचे उमेदवार आदर्श शास्त्री हे माजी पंतप्रधान लाल बहादूर शास्त्री यांचे नातू आहेत. तर आदर्श नगर विधानसभेचे उमेदवार शिवांक सिंघल हे माजी आमदार मंगतराम सिंघल यांचे पुत्र आहेत. जंगपुरा मतदारसंघातून काँग्रेसचे उमेदवार फरहाद सुरी हे काँग्रेसचे माजी नेते ताजदार बाबर यांचे पुत्र आहेत. तर बाबरपूरचे उमेदवार अर्जुन भडाना हे फरीदाबादचे माजी खासदार अवतार सिंह भडाना यांचे पुत्र आहेत. ओखला येथील अरिबा खाना या काँग्रेसचे माजी आमदार आसिफ मोहम्मद खान यांच्या कन्या आहेत. मुस्तफाबाद येथील काँग्रेसचे उमेदवार अली मोहम्मद हे माजी आमदार हसन मेहंदी यांचे पुत्र आहेत.

भाजपनेही ‘घराणेशाही’मध्ये दाखवला रस –

काँग्रेस आणि आम आदमी पक्षासोबतच भारतीय जनता पक्षाने (भाजप) घराणेशाहीमध्ये रस दाखवला आहे. जरी त्यांची संख्या निश्चितच कमी आहे. नवी दिल्ली विधानसभेसाठी भाजपने परवेश वर्मा यांना उमेदवारी दिली आहे. माजी मुख्यमंत्री साहिब सिंग वर्मा यांचे पुत्र आहे. याशिवाय मोतीनगरमधून हरीश खुराणा यांना तिकीट देण्यात आले आहे. हरीश खुराना हे दिल्लीचे माजी मुख्यमंत्री मदनलाल खुराना यांचे पुत्र आहेत. तर दिल्ली कँट विधानसभा मतदारसंघातील भाजपचे उमेदवार भुवन तंवर हे माजी आमदार किरण सिंह तंवर यांचे पुत्र आहेत.