Tanaaz Irani : बॅालिवूड अभिनेत्री तनाज इराणी हिने लग्न, घटस्फोट आणि मुलांच्या संगोपनाबाबत एका मुलाखतीत मनमोकळेपणे गप्पा मारल्या. स्वतःपेक्षा १८ वर्षांनी मोठ्या व्यक्तीसोबत झालेल्या पहिल्या लग्नाबद्दल आणि त्यानंतर मुलीसोबत निर्माण झालेल्या दुराव्याबद्दल अभिनेत्रीने आपल्या भावना व्यक्त केल्या. ‘हाऊसरफ्लाय’ला दिलेल्या मुलाखतीत तनाझ म्हणाली, “मला कोण काय म्हणेल याची कधी पर्वा नव्हती. मी नेहमी आत्मविश्वासाने जगले. माझ्या घरातील महिलांनी मला नेहमीच बळ दिलं. माझी आजी आधुनिक कपडे घालायची आणि घरातील पुरुषांनी कधीही महिलांना रोखलं नाही.” पुढे ती म्हणाली, “माझे वडील रोज सकाळी आईसाठी चहा बनवायचे, आमच्यासाठी सँडविच तयार करायचे. त्यामुळे महिलांचा आदर करणारे वातावरण मी लहानपणापासून पाहिलं. पण इंडस्ट्रीत आल्यानंतर बाहेरचं वास्तव वेगळं असल्याचं जाणवलं.” असे स्पष्ट मत तिने मांडले. (Tanaaz Irani) तनाझ इराणीचे अभिनेता फरीद करीमसोबत लग्न झाले होते. आठ वर्षांच्या सुखी संसारानंतर दोघांनी वेगळे होण्याचा निर्णय घेतला. १९९३ मध्ये तनाझने फरीदसोबत घटस्फोट घेतला. या घटस्फोटावर पहिल्यांदाच अभिनेत्रीने आपल्या भावना व्यक्त केल्या. पहिल्या लग्नाबद्दल बोलताना तनाझ म्हणाली, “मी वयाच्या २० व्या वर्षी माझ्यापेक्षा १८ वर्षांनी मोठ्या पुरुषाशी लग्न केलं होतं. तो खूप चांगला माणूस होता आणि त्याने मला पूर्ण स्वातंत्र्य दिलं. मात्र त्या काळात मला आयुष्यात नेमकं काय हवं आहे, हेच कदाचित समजलं नव्हतं. मला फिरणं, पार्टी करणं आणि मोकळं आयुष्य जगणं आवडायचं ” Tanaaz Irani : ‘कहो ना प्यार’मधील ही प्रसिद्ध अभिनेत्री चर्चेत! घटस्फोटाबाबत पहिल्यांदाच बोलली म्हणाली “त्या काळात मला…” दोघे एकमेकांसोबत विभक्त झाल्याचा परिणाम त्यांची मुलगी झियान हिच्यावर झाल्याचे अभिनेत्रीने मान्य केले. “माझ्या मुलीसाठी हा अनुभव खूप कठीण होता, हे मला नंतर समजलं. आई ही मुलासाठी सर्वात मोठी सुरक्षितता असते आणि ती सुरक्षितता मी तिच्याकडून हिरावून घेतली. अशी खंत अभिनेत्रीने व्यक्त केली. आमचं नातं पुन्हा पूर्ववत होण्यासाठी खूप वेळ लागला असल्याचे देखील तिने स्पष्टपणे सांगितले. (Tanaaz Irani) तनाझ इराणीने अभिनेता फरीद करीमसोबत पहिले लग्न केले होते. दोघांनी आठ वर्ष संसार केला. मात्र, काही कारणांमुळे १९९३ मध्ये त्यांचा घटस्फोट झाला. त्यांना झियान नावाची मुलगी आहे. त्यानंतर अभिनेत्रीने २००७ मध्ये अभिनेता बख्तियार इराणी याच्यासोबत विवाह केला. या दाम्पत्याला झ्यूस आणि झारा अशी दोन मुले आहेत. (Tanaaz Irani) कहो ना… प्यार है, चाइना टाउन, रोडसाइड रोमियो, मिलेंगे मिलेंगे, हद कर दी आपने यांसारख्या अनेक चित्रपटांमध्ये छोटशी पण लक्षात राहणारी भूमिका अभिनेत्री तनाज इराणीने केल्या आहेत. सध्या अभिनेत्री फारशी इंडस्ट्रीत कुठे दिसत नाही. हेही वाचा : Tamil Nadu Election Result: तामिळनाडूत TVK चे भवितव्य चार पक्षांच्या निर्णयांवर अवलंबून ; राज्यपालांच्या निर्णयामुळेही राजकीय वातावरण तापले
