Love and War movie | दिग्दर्शक संजय लीला भन्साळी यांचा लव्ह अॅन्ड वॅार या चित्रपटाची बरीच चर्चा आहे. या चित्रपटातील लीड कास्ट फायनल झाली आहे. रणबीर, आलिया आणि विकी कौशल अशी मुख्य लीड असल्याचे जाहीर करण्यात आले आहे. मात्र आता या चित्रपटाचा आणखी कलाकार भाग होणार आहे. बॅालीवूड इंडस्ट्रीतील आघाडीची अभिनेत्री या चित्रपटाचा भाग होणार असून रणबीरसोबत ती रोमान्स करताना मोठ्या पडद्यावर पाहायला मिळणार आहे. अभिनेत्री दीपिका पादुकोण लव्ह अॅन्ड वॅार चित्रपटात विशेष भूमिकेत असणार आहे. चित्रपटाचे दिग्दर्शक संजय लीला भन्साळी यांनी दीपिकाची निवड केली आहे. या चित्रपटात रणबीर कपूरसोबत दीपिका ४० मिनिटांची भूमिका साकारणार आहे. रणबीर आणि दीपिका यांच्यात रोमँटिक सीन असल्याचेही एका रिपोर्टमध्ये म्हटले आहे. त्यामुळे या चित्रपटाला सेन्सार बोर्डकडून ‘ए’ प्रमाणपत्र मिळू शकते, असाही अंदाज व्यक्त केला जात आहे. तर भन्साळी या चित्रपटासाठी कतरिनालाही कास्ट करू शकतात. तिचा या चित्रपटात एक अॅायटम साँग असे शकते, अशी माहिती मिळत आहे. ‘लव्ह अँड वॉर’ चित्रपट रिलीज अगोदर चर्चेत आहे. याचं सर्वात महत्चाचं कारण म्हणजे या चित्रपटाचे दिग्दर्शक संजय लीला भन्साळी हे आहेत. प्रेक्षक नेहमीच त्यांच्या चित्रपटांची आतुरतेने वाट पाहत असतात. या चित्रपटातील कास्टमुळे प्रेक्षकांना चित्रपटाबद्दल मोठी उत्सुकता निर्माण झाली आहे. हा चित्रपट दिवंगत ज्येष्ठ अभिनेते राज कपूर यांच्या संगम चित्रपटापासून प्रेरित असल्याचे बोलले जात आहे. या दिवशी चित्रपट रिलीज होणार? रणबीर आणि दीपिका एकमेकांना डेट करत होते. बीटाऊनमध्ये या दोघांच्या रिलेशनशिपच्या चर्चा केल्या जात होत्या. काही काळाने दोघेही एकमेकांपासून विभिक्त झाले. रणबीरने आलियासोबत तर दीपिकाने रणवीर सिंगसोबत लग्न केले. यानंतर लव्ह अॅन्ड वॅार चित्रपटाच्या निमित्ताने रणबीर, आलिया, विकी, आणि दीपिका एकत्र मोठ्या स्क्रीनवर पाहायला मिळणार आहेत. पुढच्या वर्षी मार्चमध्ये हा चित्रपट रिलीज होऊ शकतो, असे सांगितले जात आहे.
