Actress Huma Qureshi : अभिनेता राजकुमार राव याच्या नव्या चित्रपटाची चाहते नेहमी आतुरतेने वाट पाहत असतात. लवकरच राजकुमार मालिक चित्रपटातून प्रेक्षकांच्या भेटीला येणार आहे. या चित्रपटात तो एका गँगस्टरच्या भूमिकेत असल्याने चाहते या चित्रपटाची मोठ्या उत्सुकतेने वाट पाहत आहेत. अशातच मालिक चित्रपटाबाबत एक महत्वाची अपडेट समोर आली आहे. या चित्रपटात अभिनेत्री हुमा कुरेशी आयटम साँगमध्ये दिसणार आहे. ‘मेहफिल में मल्लिका का स्वागत’ या गाण्यावर तिने ठेका धरणार आहे. यापूर्वीही अभिनेत्रीने काही चित्रपटांसाठी आयटम साँग केले आहे. मात्र, हे आयटम स्वाँग तिच्यासाठी वेगळे असल्याचे तिने एका मुलाखती दरम्यान सांगितले आहे. मिड-डे सोबत गाण्याचा पहिला लूक तिने शेअर केला आहे. मला आयटम नंबर खूप आवडता! मला अशी गाणी असलेले भारतीय चित्रपट खूप आवडतात, असे तिने म्हटले आहे. हे आयटम साँग तिच्या या आधीच्या आयटम नंबरपेक्षा वेगळे असणार आहे. अभिनेत्री हुमा कुरेशीने तिच्या आत्तापर्यंतच्या फिल्मी करिअरमध्ये अनेक भूमिका साकारलेल्या आहेत. ती विविध मुद्यावर नेहमी भाष्य करत आपले मत मांडत असते. मी नेहमीच एक कलाकार म्हणून कोणतीही भूमिका करु शकते. मला एक कलाकार म्हणून माझे काम बॅल्नस करायचे आहे, असे मत तिने व्यक्त केले आहे. मी स्वतःला एका चौकटीत ठेवणार नाही. मी काय करू शकते आणि काय करू शकत नाही हे मला कोणीही सांगू शकत नाही, असे देखील ती म्हणाली आहे. हेही वाचा: ‘विमानाने उड्डाण घेताच वीजपुरवठा खंडित…’ ; अहमदाबाद विमान अपघाताच्या तपासात धक्कादायक गोष्टी उघड?
