Rana Balachauria Firing | प्रसिद्ध कबड्डीपटू कंवर दिग्विजय सिंह ऊर्फ राणा बालाचौरियाची कबड्डीच्या सामन्यादरम्यान गोळ्या घालून हत्या करण्यात आली आहे. पंजाबच्या मोहालीमध्ये सोमवारी सायंकाळी ही घटना घडली आहे. सेल्फी काढण्याच्या बहाण्याने आरोपी कंवर दिग्विजय सिंहजवळ आला आणि त्याने अचानक गोळ्या झाडल्या. डोक्यात आणि चेहऱ्यावर अनेक गोळ्या लागल्याने बालाचौरीया जमिनीवर कोसळले. त्यांना तातडीने मोहाली येथील फोर्टिस रुग्णालयात दाखल करण्यात आले, परंतु डॉक्टरांनी त्याला दाखल करण्यापूर्वीच मृत घोषित केले. ही घटना सिद्धू मूसेवालाच्या हत्येचा बदला घेण्यासाठी केल्याचे समोर आले. या प्रकरणातील आरोपींनी सोशल मिडीयावर पोस्ट करून या हल्ल्याची जबाबदारी घेतली आहे आणि त्यामागील कारण ही सांगितले. हल्लेखोरांनी सिद्धू मूसेवाला हत्येचा बदला म्हणून ही कारवाई केल्याचा दावा केला आहे. पोलिसांनी परिसरात सुरक्षा वाढवली असून सीसीटीव्ही फुटेज तपासले जात आहेत. सोशल मीडिया पोस्टमध्ये (पंजाबी भाषेत) नेमकं काय? बालाचौरीयाचे संबंध प्रतिस्पर्धी जगू खोटी आणि लॉरेन्स बिश्नोई यांच्याशी होते आणि त्याने मूसेवालाच्या मारेकऱ्याला आश्रय दिला होता, असा या पोस्टमध्ये आरोप करण्यात आला आहे. “राणा बालाचौरियाची आज मोहाली सोहाना साहिब कबड्डी कपमध्ये हत्या करण्यात आली. मी, डोनी बाल शगनप्रीत, मोहब्बत रंधावा, अमर खेवा प्रभदासवाल आणि कौशल चौधरी या हत्येची जबाबदारी स्वीकारतो. या माणसाने जग्गु खोती आणि लॉरेन्स बिश्नोईसोबत राहून आमच्याविरुद्ध काम केले. त्याने सिद्धू मूसेवालाच्या मारेकऱ्याला आश्रय दिला आणि त्या माणसांची वैयक्तिक काळजी घेतली. आज, आम्ही राणाला मारून आमचा भाऊ मूसेवालाचा बदला घेतला. हे कृत्य आमच्या माखन अमृतसर आणि डिफॉल्टर करणने केले आहे. आजपासून, मी सर्व खेळाडूंना आणि त्यांच्या पालकांना विनंती करतो की कोणीही जग्गू खोती आणि हॅरी टॉटच्या संघात खेळू नये नाहीतर त्यांनाही हेच परिणाम भोगावे लागतील. आम्हाला कबड्डीची कोणतीही ऍलर्जी नाही.” Rana Balachauria Firing | दरम्यान, सिद्धू मूसेवाला हत्येचा बदला म्हणून ही हत्या केल्याचा दावा लॉरेन्स बिश्नोईच्या प्रतिस्पर्धी टोळीने सोशल मीडियावर केला आहे. तसेच ‘मक्कन अमृतसर’ आणि ‘डिफॉल्टर कर्णे’ अशी मारेकऱ्यांची नावेही जाहीर करण्यात आली आहेत. मात्र या प्रकरणानंतर पंजाबमधील कायदा-सुव्यवस्थेवर प्रश्नचिन्ह उभे केले जात आहेत. हेही वाचा: जपानपासून कोरियापर्यंतच्या बाजारपेठेत गोंधळ ; सेन्सेक्स-निफ्टी उघडताच धडाम
