प्रभात वृत्तसेवा पुणे : विवाहित, नऊ वर्षाची मुलगी असलेल्या महिलेला लग्नाचे अमिष दाखविणे संशयास्पद आहे, असा निष्कर्ष काढत एफआयआर दाखल करणाऱ्या महिलेला न्यायलयाने दणका दिला आहे. कृतीचे परिणाम समजण्याचा समज असतानाही तिने वारंवार शारीरिक संबंध ठेवले आहेत. यावरून दोघातील संबंध संमतीने झाल्याचे प्रथमदर्शनी दिसून येत असल्याचे नमुद करत आरोपीच्या अटकेला रोखले. त्याला अटकपूर्व जामीन मंजुर करण्याचा आदेश सत्र न्यायाधीश अनिरुद्ध गांधी यांनी दिला आहे. हा निर्णय न्यायालयीन वर्तुळात चर्चेचा विषय ठरत आहे. या निर्णयामुळे “लग्नाच्या आमिषाखालील संबंध” प्रकरणांमध्ये संमतीचा मुद्दा पुन्हा एकदा चर्चेत आला आहे. हेही वाचा :Sunil Tatkare : कॅप्टन अशोक खरात प्रकरणाने राजकारण तापलं! रुपाली चाकणकरांच्या प्रश्नावर सुनील तटकरे म्हणाले… या प्रकरणात आरोपी रितेश सुनील जाधव (वय २३) याच्यातर्फे ॲड. आकाश सुधीर चव्हाण यांनी बाजू मांडली. फिर्यादी ही २८ वर्षांची विवाहित महिला असून तिला ९ वर्षांची मुलगी आहे. ती कृतींचे परिणाम समजण्यास पूर्णतः सक्षम आहे. २३ वर्षीय आरोपी व फिर्यादी यांच्यातील संबंध हे परस्पर संमतीने झाले आहेत. सुरुवातीपासूनच कोणतीही जबरदस्ती किंवा दबाव नव्हता. त्यामुळे “लग्नाचे आमिष” हा आरोप या प्रकरणात लागू होत नाही, असे ॲड. आकाश चव्हाण यांनी ठामपणे सांगितले. चव्हान यांना ॲड. श्रुती रमेश कुंभार यांनी साहाय्य केले. पीडित व आरोपीचे ८ महिन्यापासून शारीरिक संबंध आहेत. लग्नाच्या अमिषाने त्याने संबंध ठेवल्याची फिर्याद तिने १६ फेब्रुवारी रोजी दिली. या पार्श्वभूमीवर अटकपूर्व जामिनासाठी केलेला अर्ज न्यायालयाने मंजुर केला. हेही वाचा : Saleh MohammadI: इराणमध्ये जागतिक कुस्तीपटूसह ३ तरुणांना फाशीची शिक्षा ; सर्वत्र भीतीचे वातावरण
