Rajya Sabha Election 2026 : महाराष्ट्रातील राज्यसभेतील सात जागा रिक्त होत आहे. त्यामुळे या जागांसाठी मतदान होणार आहे. या निवडणुकीचा कार्यक्रम निवडणूक आयोगाने जाहीर केला आहे. सहा जागा महायुती जिंकेल तर एक जागा महाविकास आघाडीच्या वाट्याला येणार आहे. निवृत्त होणाऱ्या सात राज्यसभेच्या खासदारांमध्ये शरद पवार यांचा देखील समावेश असून, त्यांच्या नावाची शिफारस आघाडीकडून केली जाणार असल्याचे बोलले जात आहे. दुसरीकडे सहा जागांसाठी भारतीय जनता पक्षात इच्छुकांची भाऊगर्दी वाढल्याचे चित्र आहे. यामध्ये काही महत्वाच्या नेत्याच्या नावाची जोरदार चर्चा राज्यसभेसाठी रंगली आहे. या निवडणुकीसाठी ५ मार्च रोजी उमेदवारी अर्ज दाखल करण्यात येणार असून, १६ मार्चला मतदान होणार आहे. त्यामुळे महाराष्ट्रातील राजकीय वातावरण तापले आहे. ‘या’ नेत्यांच्या नावांची जोरदार चर्चा विनोद तावडे रामदास आठवले विजया रहाटकर भागवत कराड धैर्यशील पाटील मागील काही वर्षांत बाहेरून पक्षात दाखल झालेल्या नेत्यांना राज्यसभा किंवा विधान परिषदेवर संधी दिली गेल्याने भाजपमधील काही निष्ठावंत गटात नाराजी आहे. त्यामुळे यावेळी तरी निष्ठावंतांना प्राधान्य द्यावे, अशी मागणी पक्षातील एका गटाकडून केली जात असल्याचे समजते. निवडणुकीचे वेळापत्रक 5 मार्च – उमेदवारी अर्ज दाखल करण्याची अंतिम मुदत 6 मार्च – अर्जांची छाननी 9 मार्च – उमेदवारी मागे घेण्याची शेवटची तारीख 16 मार्च – सकाळी 9 ते सायं. 4 मतदान; सायं. 5 नंतर मतमोजणी विधानसभेचे एकूण संख्याबळ 286 असून, दोन जागा रिक्त असल्याने प्रभावी संख्या 284 आहे. एका उमेदवाराला विजयासाठी 37 मतांचा कोटा आवश्यक असणार आहे. महायुतीकडे एकूण 235 आमदारांचे संख्याबळ असल्याने सहा जागा सहज जिंकण्याचे चित्र स्पष्ट आहे. सूत्रांच्या माहितीनुसार, जागावाटप ‘4:1:1’ या फॉर्म्युल्यानुसार होण्याची शक्यता आहे. यात भाजपला 4 जागा, शिवसेनेला 1 जागा आणि राष्ट्रवादी काँग्रेस अजित पवार गटाला 1 जागा मिळणार असल्याची माहिती आहे. तर महाविकास आघाडीमध्ये राष्ट्रवादी काँग्रेस शरद पवार गटाचे 10 आमदार, काँग्रेसचे 16 आमदार आणि शिवसेना ठाकरे गटाचे 20 आमदार असून एकत्रित 46 मतांच्या बळावर एक जागा निश्चित मिळू शकते. मात्र, ती कोणाच्या वाट्याला जाणार यावरून अंतर्गत चर्चा रंगण्याची शक्यता आहे. हे सदस्य होणार निवृत्त शरद पवार रामदास आठवले फौजिया खान रजनी पाटील प्रियांका चतुर्वेदी धैर्यशील पाटील भागवत कराड हेही वाचा : Top 10 news: देशभरात शिवजयंतीचा उत्साह , ‘हे आहेत नेते अन् ही आहे आपली लायकी .. ‘अशा टॉप १० बातम्या वाचा एका क्लिकवर
