इंदापूर (प्रतिनिधी) : इंदापूर तालुक्याचे माजी आमदार दिवंगत नेते गणपतराव पाटील यांच्या कळस (तालुका इंदापूर) येथील पाटील वाड्यात,परंपरेनुसार गौरी गणपती यंदा उत्साहात साजरा करण्यात आला.यामध्ये पुणे जिल्हा परिषदेच्या माजी सदस्या वैशालीताई पाटील यांनी आपल्या सुनांच्या मदतीने,केदारनाथ मंदिराचा देखावा अनोख्या पद्धतीने साकारल्याने,उस्फूर्त गावातील महिलांनी या देखाव्यास प्रतिसाद दिला.व प्रत्येक प्रमाणे हळदी कुंकाचा कार्यक्रम रंगला. यावेळी पत्रकारांशी संवाद साधताना पुणे जिल्हा परिषदेच्या माजी सदस्या वैशालीताई पाटील म्हणाले की,आमचे सासरे दिवंगत नेते माजी आमदार गणपतराव पाटील यांनी दिलेले आम्हाला,पाटील परिवाराला संस्कार, संस्कृती,मनोमन जपण्याचा प्रयत्न आमच्या कुटुंबातील प्रत्येक लहान थोर मंडळी करत आहे.प्रत्येक सण हा आपले गाव,आपला परिसर कुटुंब म्हणून साजरे केले तर,यातून मिळणारा आनंद चिरकाल टिकतो. म्हणूनच,गावातील सर्व महिला भगिनी गौरी पूजनाचा एकत्र लाभ घेतात त्यामुळेच हा सण म्हणजे,वेगळी पर्वणी महिला वर्गासाठी आहे. तालुक्यातील महिला भगिनींना यावेळी जिल्हा परिषदेच्या माजी सदस्या वैशालीताई पाटील यांनी शुभेच्छा दिल्या.व हळदी कुंकाचा कार्यक्रम पार पडला.
