Avatar 3 Box Office Collection : हॉलिवूडमधील सर्वात यशस्वी फ्रँचायझींपैकी एक असलेला ‘अवतार ३’ चित्रपटगृहात प्रदर्शित होऊन १० दिवस पूर्ण झालेले आहेत. या चित्रपटाच्या पहिल्या दोन्ही भागांना मोठा प्रतिसाद मिळाला असून, तिसऱ्या भागही प्रेक्षकांना खूप आवडला आहे. चित्रपटाचे दोन्ही भाग जगातील सर्वाधिक कमाई करणाऱ्या टॉप १० चित्रपटांच्या यादीत येतात. आता तिसऱ्या भागाचा समावेश यामध्ये होऊ शकतो. अवतार: फायर आणि अॅशस चित्रपटाच्या भारतातील कमाईचा आकडा सातत्याने वाढताना दिसत आहे. या चित्रपटाला त्याच्या मागील चित्रपटांच्या दोन्ही भागांइतकीच इतकीच प्रसिद्ध मिळत आहे. चित्रपटाने प्रदर्शित झाल्यानंतर १० दिवसांतच एक मोठा विक्रम रचला आहे. मीडिया रिपोर्टनुसार, जर रणवीर सिंहचा धुरंदर प्रदर्शित झाला नसता तर अवतार ३ ला आणखी प्रेक्षकवर्ग लाभला असता, असे सांगितले जात आहे. पहिल्या आठवड्यात या चित्रपटाने ६७.२५ कोटींची कमाई केली असून, त्यानंतरच्या आठवड्याच्या दिवसांचे कलेक्शन एकूण ४२.२५ कोटी होते. दुसऱ्या आठवड्यात, चित्रपटाने १७.१५ कोटींची कमाई केली आहे. या एकूण कमाईसह चित्रपटाने १२६.६५ कोटी रुपयांची कमाई केली आहे. सॅकनिल्कच्या अहवालानुसार, अवतार: फायर अँड अॅशने चित्रपट प्रदर्शित झाल्यापासून आतापर्यंत एकूण १५३.५० कोटी रुपयांचा गल्ला गोळा केला आहे. अवतार ३ चित्रपटाबद्दल बोलायचे झाल्यास, चित्रपटाचे बजेट तब्बल ३५०० कोटी रुपयांचे आहे. नवीन वर्षात चित्रपटाला असाच प्रेक्षवर्ग लाभला तर आणखी कमाई चित्रपट करू शकतो. परदेशात मात्र चित्रपटाने बक्कळ कमाई केली असून, चित्रपटाचे बजेट वसूल केले असल्याचा दावा केला जात आहे. हेही वाचा : ४ देशांमध्ये भयंकर भूकंप, १२,००० वर्षांपासून मृत ज्वालामुखीचा उद्रेक … ; २०२५ मध्ये या’ ६ नैसर्गिक आपत्तींनी जगाला हादरवले
