Eknath Shinde : ‘मोदींच्या कार्याची उंची हिमालयासारखी, समर्पण अरबी समुद्राएवढं’ ; एकनाथ शिंदेंनी गुजरातमधून दिल्या हटके शुभेच्छा
Eknath Shinde : गुजरातच्या वडनगर येथे होत असलेल्या या विशेष कार्यक्रमासाठी अनेक दिग्गज नेत्यांनी हजेरी लावली असून राज्याचे उपमुख्यमंत्री एकनाथ शिंदे हे कार्यक्रमासाठी उपस्थित असणारे पहिले नेते आहेत.
Eknath Shinde : देशाचे पंतप्रधान नरेंद्र मोदी यांचा आज ७६ वा वाढदिवस असून देशभरातून त्यांच्यावर शुभेच्छांचा वर्षाव होत आहे. राजकीय नेत्यांपासून अनेक क्षेत्रातील दिग्गज व्यक्ती सोशल मीडियाच्या माध्यमातून मोदींना शुभेच्छा देत आहेत.
पंतप्रधान नरेंद्र मोदी यांच्या वाढदिवसानिमित्ताने गुजरातच्या वडनगर येथे ‘सेवा संकल्प अभियान’ या विशेष कार्यक्रमाचे आयोजन करण्यात आले आहे. या कार्यक्रमात बोलताना महाराष्ट्राचे उपमुख्यमंत्री एकनाथ शिंदे यांनी मोदींना शुभेच्छा देताना एक मोठं विधान केले आहे.
“मोदीजींबाबत वयाचा आकडा कोणी मोजत नाही. आपण त्यांच्या कर्तृत्वाची उंची पाहातो. मोदींच्या कर्तृत्वाची थेट हिमालयाशी तुलना होते. जनतेच्या प्रती त्यांचे काम अरबी समुद्राच्या खोली पेक्षाही मोठं आहे.” असे एकनाथ शिंदे म्हणाले आहेत.
गुजरातच्या वडनगर येथे होत असलेल्या या विशेष कार्यक्रमासाठी अनेक दिग्गज नेत्यांनी हजेरी लावली असून राज्याचे उपमुख्यमंत्री एकनाथ शिंदे हे कार्यक्रमासाठी उपस्थित असणारे पहिले नेते आहेत.
वडोदार येथील कार्यक्रमात एकनाथ शिंदे यांनी मोदींच्या कार्याचे कौतुक केले. ते म्हणाले “आजचा दिवस हा आनंदाचा दिवस आहे. वडोद्याच्या प्रेरणादायी आणि पवित्र भूमीवर मला येण्याची संधी मिळाली. मी वडोदराच्या पवित्र धरतीला नमन करतो. मी महाराष्ट्राच्या वतीने तुम्हा सर्वांना खूप खूप शुभेच्छा देतो. साडेबारा कोटी जनता आणि शिवसेनेकडून आपल्या देशाचे लोकप्रिय आणि यशस्वी पंतप्रधान नरेंद्र मोदी यांचे मी अभिष्टचिंतन करतो. देशाचे पंतप्रधान नरेंद्र मोदी यांना वाढदिवसाच्या शुभेच्छा, असेही एकनाथ शिंदे यांनी म्हटले आहे.
मोदींचं हे कर्तृत्व लोकांपर्यंत पोहोचवायला हवं : एकनाथ शिंदे
२५ वर्ष मोदीजींना CM आणि PM च्या रुपात आपण पाहिले आहे. हे मोठी गोष्ट आहे. हा खूप मोठा काळ आहे. आणि हा आपल्या देशाचा गौरव आहे. त्यामुळेच यंदाचा मोदींचा वाढदिवस आपल्याला मोठ्या प्रमाणावर साजरा करायचा आहे. मोदींचं हे कर्तृत्व लोकांपर्यंत पोहोचवायला हवं. आपल्या सर्व सरकारी योजना प्रत्येक गरीबापर्यंत पोहोचवण्याचे काम आपण करायला हवे. याच उद्देशाने हा कार्यक्रम होत आहे. मी पुन्हा एकदा शिवसेनेकडून आणि महाराष्ट्र सरकारकडून मोदीजींना खूप खूप शुभेच्छा देतो, असेही एकनाथ शिंदे म्हणाले.
