Soumya Tandon : रणवीर सिंह आणि अक्षय खन्ना स्टारर धुरंधर चित्रपट बॅाक्स अॅाफिसवर धुमाकूळ घालत आहे. या चित्रपटाने अवघ्या सात दिवसांत मोठे बॅाक्स अॅाफिस कलेक्शन गोळा केले आहे. यामुळे पहिल्या टॉप सात चित्रपटांमध्ये या चित्रपटाने आपले स्थान निश्चित केले आहे. चित्रपटातील कलाकारांच्या अभिनयापासून ते चित्रपटातील गाण्यांपर्यंत, प्रत्येक गोष्टीने प्रेक्षकांच्या मनात घर केले आहे. या चित्रपटाने मोठी लोकप्रियता अभिनेता अक्षय खन्नाला मिळवून दिली आहे. सोशल मीडियावर त्याने साकारलेल्या रेहमान डकैत या पात्राची चर्चा आहे. याशिवाय चित्रपटातील इतरही पात्रांचे कौतुक केले जात आहे. या चित्रपटात अक्षय खन्नाच्या पत्नीची भूमिका साकारणारी ‘भाभी जी’ म्हणजेच अभिनेत्री सौम्या टंडनने तिच्या भूमिकेबद्दल सांगितले आहे. रहमान डकैत हे पात्र अक्षयने साकारले असून त्याची ऑनस्क्रीन पत्नी ती बनली आहे. सौम्याने इन्स्टांग्रामवर पोस्ट शेअर केली आहे. या पोस्टमध्ये तिने सेटवरचा एक फोटोही पोस्ट करत भूमिकेला मिळालेल्या प्रेमाबद्दल भावना व्यक्त केल्या आहेत. View this post on Instagram A post shared by Saumya Tandon (@saumyas_world_) “धुरंधरमधील माझ्या पात्र उल्फतला इतके प्रेम दिल्याबद्दल मी तुमची आभारी आहे. माझी पडद्यावरची भूमिका छोटी होती, पण तुमच्यापैकी अनेकांनी सांगितले की माझ्या भूमिकेचा खोलवर परिणाम झाला आणि त्याचा माझ्यासाठी खूप अर्थ आहे. मला खरोखरच अशा प्रकारच्या प्रतिक्रियेची अपेक्षा नव्हती,” अशा शब्दांत आपल्या भावना अभिनेत्रीने व्यक्त केल्या आहेत. पोस्टमध्ये अभिनेत्रीने पुढे लिहिले, “माझ्या भूमिकेचे श्रेय आदित्य धर यांना जाते. त्याने मला सांगितले की मी नक्कीच एक छाप सोडेन आणि नेमके तेच घडले.” अशा शब्दांत सौम्याने दिग्दर्शक आदित्य धरचे कौतुक केले आहे. या चित्रपटाचा भाग बनवल्याबद्दल खूप खूप धन्यवाद. “अक्षय खन्नासोबत काम करण्याचा अनुभवाविषयी तिने पोस्टमध्ये लिहिले आहे. मी त्याची चाहते आहे आणि सेटवर त्याच्याकडून खूप काही शिकले. मला वाटते की आपण एक उत्तम जोडी आहोत आणि मला आशा आहे की आपल्याला पुन्हा अशीच जादू निर्माण करण्याची संधी मिळेल,” असेही अभिनेत्रीने पोस्टमध्ये म्हटले आहे. हेही वाचा : सस्पेन्स संपला! दृश्यम ३ बाबत मोठी अपडेट समोर; लवकरच प्रदर्शित होणार
