मुंबई – अयोग्य वित्तीय उत्पादन विक्री आणि सेवा विक्रीला आळा घालण्यासाठी रिझर्व बँक या संदर्भात एक सर्वसमावेशक मार्गदर्शक सूचना जारी करणार आहे. यामुळे अयोग्य जाहिरात, विपणन आणि विक्रीला आळा बसेल असे रिझर्व बँकेने म्हटले आहे. अयोग्य वित्तीय उत्पादने आणि सेवा विक्रीमुळे केवळ ग्राहकावरच परिणाम होत नाही तर त्याचा परिणाम वित्तीय संस्थांच्या विश्वासार्हतेवरही होतो. दीर्घ पल्ल्यात दोघांचे नुकसान होते. यासाठी हा प्रकार थांबविण्यासाठी रिझर्व बँक प्रयत्न करीत आहे.अशी उत्पादने विकण्याबरोबरच वसुलीसाठी योग्य मार्गदर्शक सूचना रिझर्व बँकेद्वारे लवकरच जारी केल्या जाणार असल्याचे सांगण्यात आले. देशात डिजिटल फसवणुकीचे प्रकार वाढले आहेत. हे प्रकार होऊ नयेत्यासाठी रिझर्व बँक वेळोवेळी आवश्यक उपाययोजना करीत असते. त्यामध्ये आणखी भर घातली जाणार आहे. रिझर्व बँक गृह मंत्रालयाच्या मदतीने असे प्रकार होऊ नये यासाठी काळजी घेत आहे. अशा घटनांची संख्या कमी होत आहे. मात्र या परिस्थितीकडे निरंतर लक्ष देण्याची गरज आहे. असे गैरप्रकार करणार्यांना शोधून शिक्षा करण्याबरोबरच नागरिकांची डिजिटल साक्षरता वाढविण्यासाठी प्रयत्न करावे लागणार आहेत. त्या दृष्टिकोनातून रिझर्व बँक, अर्थमंत्रालय आणि गृह मंत्रालयाच्या मदतीने प्रयत्न करीत असल्याचे सांगण्यात आले. रिझर्व बँक आणि गृहमंत्रालय करीत असलेल्या प्रयत्नामुळे आता डिजिटल फसवणुकीचे प्रकार बर्याच प्रमाणात कमी झाले आहेत. सार्वजनिक क्षेत्रातील बँका आणि खासगी क्षेत्रातील बँकांनीही या सदर्भात आवश्यक उपाययोजना करण्याच्या सूचना रिझर्व बँक देणार असल्याचे सांगण्यात आले.
