लातूर – दारूच्या आहारी गेलेल्या आपल्या लहान‎भावाने शेतात झाडाला गळफास घेतल्याचा‎बनाव रचत पोलिस ठाण्यात अकस्मात‎मृत्यूची नोंद करण्यासाठी गेलेल्या मोठ्या ‎भावावर देह बोलीवरून पोलिसांना संशय‎ आला. त्यानेच भावाचा खून केल्याचे‎ पोलिसांच्या तपासात उघड झाले.

या‎प्रकरणी औसा पोलिसांत आई व मुलावर ‎खुनाचा गुन्हा दाखल करण्यात असून आई ‎शशिकला बालाजी जाधव (४७) आणि‎ मुलगा सचिन बालाजी जाधव (२६) याला ‎खुनाच्या गुन्ह्यात अटक करण्यात आली.‎ औसा तालुक्यातील तुंगी (बु) येथील‎ सचिन बालाजी जाधव हा तरुण औसा‎ पोलिस ठाण्यात आला आणि आपला लहान‎भाऊ योगेश (२३) याने शेतातील पत्र्याच्या‎ शेडला गळफास घेतल्याचे सांगितले.‎

पोलिसांनी त्याचे म्हणणे ऐकून घेत ‎सुरुवातीला अकस्मात मृत्यूची नोंद केली,‎ परंतु त्याची देहबोली (बॉडी लँग्वेज) ‎संशयास्पद वाटू लागल्यामुळे त्याला उलट‎सवाल करत या संदर्भात माहिती विचारली.‎ यात तो गडबडला आणि भावाने आत्महत्या‎ केल्यानंतर त्याचे प्रेत मीच खाली‎ काढल्याचे त्याने पोलिसांना सांगितले.‎

त्यामुळे पोलिसांनी घटनास्थळ गाठत स्पॉट‎ पंचनामा केला आणि त्यांची शंका आणखी‎ बळावली. कारण आत्महत्या केलेली जागा‎ आणि मृतदेह ठेवलेली जागा वेगवेगळ्या ‎होत्या. पोलिसांनी आपल्या स्टाइलने‎ चौकशी सुरू करताच आरोपी सचिन‎ जाधव याने गुन्ह्याची कबुली दिली.‎ दारू प्राशन करून लहान भाऊ घरात‎सर्वांना त्रास देत असल्यामुळे सर्व त्याला ‎वैतागले होते. शनिवारी रात्री १० ते १०.३०‎वाजेच्या सुमारास तो पुन्हा घरात आला‎ आणि त्याने पैशासाठी वाद सुरू केला. या‎वेळी आई शशिकला बालाजी जाधव‎(४७) व मोठा मुलगा सचिन यांनी मिळून ‎दारूच्या नशेत असलेल्या योगेश याला‎ शेतात नेले आणि आईच्या मदतीने सचिनने ‎याेगेशचा दोरीने गळा आवळून खून केला‎ होता, असे पोलिसांच्या तपासात उघड‎ झाले आहे.‎