Baramati News | चालकाचे नियंत्रण सुटल्याने पोलीस गाडी विजेचे खांबाला धडकली..

प्रभात वृत्तसेवा बारामती – तालुक्यातील शिर्सुफळ हद्दीत पोलिसांच्या गाडीला अपघात झाला. दुचाकीला वाचवताना चालकाचे नियंत्रण सुटल्याने गाडी रस्त्यावरून उतरून विजेचे खांबाला धडकली. यामध्ये तिघे किरकोळ जखमी झाले.साबळेवाडी येथे आत्महत्येच्या पंचनामा व तपास करण्यासाठी पोलीस निघाले होते. दरम्यान, शिर्सुफळ हद्दीत समोरून आलेल्या दुचाकी ला वाचवताना गाडी रस्त्याखाली उतरली व अपघात झाला. यामध्ये चालकासह शेजारी बसलेले पोलीस कर्मचारी किरकोळ जखमी झाले. रस्त्यावरून ओव्हरलोड डंपरवर जाता जाता पोलिसांनी कारवाई केली होती. डंपरचा चालक देखील गाडीमध्ये होता. अपघातात तिघेही किरकोळ जखमी झाले.