Yugendra Pawar : उपमुख्यमंत्री अजित पवार यांचे धाकटे चिरंजीव जय पवार यांचा मोठ्या थाट्यात लग्न समांरभ पार पडला. त्यांच्या साखरपुड्याची गोड बातमी सर्वप्रथम खासदार सुप्रिया सुळे यांनी पोस्टसह फोटो शेअर करत दिली होती. त्यानंतर आता युगेंद्र पवार हे देखील लवकरच विवाहबंधनात अडणार असून, त्यांच्या साखरपुड्याच्या कार्यक्रमासाठी पवार कुटुंब एकत्र आलं आहे. युगेंद्र पवार यांचा साखरपुडा ठरल्याची बातमी सर्वप्रथम खासदार सुप्रिया सुळे यांनी फेसबुकवर पोस्ट शेअर करत दिली होती.

सध्या पवार कुटुंब राजकारण बाजूला सारून या साखरपुड्याच्या निमित्ताने एकत्र आलं आहे. अजित पवार यांचे बंधू श्रीनिवास पवार यांचे चिरंजीव युगेंद्र पवार यांचा साखरपुडा आज ३ ऑगस्ट २०२५ रोजी मुंबईत होत आहे. प्रभादेवी येथील इंडिया बुल्स बिल्डिंग येथे संपन्न होत आहे. या समारंभाला खासदार शरद पवार, उपमुख्यमंत्री अजित पवार, खासदार सुप्रिया सुळे यांच्यासह पवार कुटुंबातील इतर सदस्य एकत्र आले आहेत. युगेंद्र आणि तनिष्का यांचा साखरपुड्याचा सोहळा पारंपरिक पद्धतीने पार पडणार असल्याचे सांगितले जात आहे.

कोण आहेत तनिष्का कुलकर्णी?

युगेंद्र पवार यांच्या होणाऱ्या पत्नीचे नाव तनिष्का कुलकर्णी असून तिने परदेशातून फायनान्सचे शिक्षण घेतले आहे. ती मूळचे मुंबईची आहे. या दोघांचे फोटो खासदार सुप्रिया सुळे यांनी फेसबुकवर शेअर केले आहेत. दरम्यान, युगेंद्र पवार यांच्या वाढदिवसाला शरद पवार यांनी अक्षता टाकायची संधी कधी देताय? अशी विचारणा केली होती. हा आजोबांंचा सल्ला युगेंद्र पवार यांनी मनावर घेतला.

युगेंद्र पवार यांच्याविषयी….

युगेंद्र पवार हे तरुण नेते असून त्यांनी काही महिन्यांपासून राजकारणात एन्ट्री केली. ते सध्या सक्रिय राजकारणात आहेत. त्यांनी बारामती विधानसभेची निवडणूक लढवली होती. मात्र, त्यांच्या वाट्याला पराभव आला. विधानसभेच्या निवडणुकीत त्यांनी संपूर्ण मतदारसंघ पिंजून काढला होता. या मतदार संघात काका विरुद्ध पुतण्या अशी लढत झाली होती. सध्या पवार कुटुंबात आनंदाचे वातावरण आहे. युगेंद्र पवार आणि तनिष्का यांच्यावर शुभेच्छांचा वर्षाव होत आहे.

हेही वाचा :  ‘रक्तापेक्षा पैसा जास्त महत्त्वाचा…’ ; भारत-पाकिस्तान क्रिकेट सामन्यावरून प्रियांका चतुर्वेदींचा सरकारवर निशाणा