बारामती : माळेगाव नगरपंचायतीची पहिलीच निवडणूक होत असून या निवडणुकीसाठी भारतीय जनता पक्षाने तयारी सुरू केली आहे. १९९५ पासून माळेगाव ग्रामपंचायतीत आमच्या विचारांचा सरपंच होत आला आहे. नगरपंचायतीच्या निवडणुकीतही आमच्या विचारांचा नगराध्यक्ष निवडून येईल, असा विश्वास भाजप नेते रंजनकुमार तावरे यांनी व्यक्त केला. तावरे यांनी सांगितले की, नगरपंचायतीच्या १७ प्रभागांसाठी तसेच नगराध्यक्षपदासाठी पक्षाकडून उमेदवार निश्चित केले आहेत. पूर्ण तयारीनिशी आम्ही या निवडणुकीला सामोरे जाणार आहोत. लोकसभा आणि विधानसभा निवडणुकीत आम्ही महायुती म्हणून कार्य केले आहे. मात्र, स्थानिक स्वराज्य संस्थेच्या निवडणुकीत वरिष्ठांकडून युतीचा आदेश मिळाल्यास त्यावर सन्मानपूर्वक तोडगा निघायला हवा. अन्यथा आम्ही स्वबळावर सर्व जागांवर लढण्यास तयार आहोत. तावरे यांनी सांगितले की, नगरपंचायतीच्या १७ प्रभागांसाठी तसेच नगराध्यक्षपदासाठी पक्षाकडून उमेदवार निश्चित केले आहेत. पूर्ण तयारीनिशी आम्ही या निवडणुकीला सामोरे जाणार आहोत, लोकसभा आणि विधानसभा निवडणुकीत आम्ही महायुती म्हणून कार्य केले आहे. मात्र, स्थानिक स्वराज्य संस्थेच्या निवडणुकीत वरिष्ठांकडून युतीचा आदेश मिळाल्यास त्यावर सन्मानपूर्वक तोडगा निघायला हवा. अन्यथा आम्ही स्वबळावर सर्व जागांवर लढण्यास तयार आहोत. माळेगाव नगरपंचायतीच्या १७ प्रभागांमध्ये प्रभागनिहाय प्रचार सुरू झाल्याची माहिती तावरे यांनी दिली. जनतेच्या मनातील उमेदवार देण्याचा आमचा प्रयत्न आहे. पुन्हा जोमाने टक्कर देणार नगराध्यक्षपदासाठी देखील सक्षम उमेदवार देऊन गावाच्या विकासासाठी सर्वांना बरोबर घेऊन जाण्याचा आमचा मानस आहे. ग्रामपंचायतीचे नगरपंचायतीत रूपांतर करून माझे राजकीय अस्तित्व संपविण्याचा प्रयत्न झाला. मात्र, ग्रामपंचायतीतून नगरपंचायतीत बदल झाल्यानंतर फारसा फरक पडलेला नाही. त्यांनी हेही नमूद केले की, कारखान्याच्या निवडणुकीत पराभव झाला असला तरी आम्ही खचलेलो नाही. उलट नगरपंचायतीच्या निवडणुकीसाठी अधिक उभारीने तयारी करीत आहोत. या निवडणुकीत स्थानिक पातळीवरील दादागिरी आणि हुकूमशाही रोखण्यासाठी आम्ही लढत आहोत,” असेही तावरे यांनी स्पष्ट केले.
