Ladki Bahin scheme | भाजपचे माजी महानगर अध्यक्ष डॉ. अशोक ओळंबे यांनी मुख्यमंत्री लाडकी बहीण योजनेवरुन गंभीर आरोप केला आहे. ‘आम्हाला निवडून दिले नाही तर लाडकी बहिणीचा १५०० रूपयांचा निधी बंद होईल, असे म्हणत भाजपकडून मतदारांना ब्लॅकमेलिंग केले जात असल्याचे अशोक ओळंबे यांनी म्हंटले आहे. अकोल्यात भाजपच्या माजी नगरसेवकांकडून ‘मत न दिल्यास लाडकी बहीण योजना बंद पडेल’ असा प्रचार पसरवला जात आहे, असा आरोप अशोक ओळंबे यांनी केला. ओळंबे अकोल्यात भाजपच्या बंडखोरांच्या सहविचार सभेत बोलत होते. या सहविचारसभेत भाजपचे 7 माजी नगरसेवक आणि भाजपचे नाराज असलेले पदाधिकारी उपस्थित होते. हे सर्वजण महापालिकेत नवी आघाडी स्थापन करणार होते. 500 कोटींच्या विकास निधीवरून भाजपवर ताशेरे ओळंबे यांनी 500 कोटींच्या विकास निधीवरून भाजपवर हल्लाबोल केला. महापालिकेच्या वाढीव भागासाठी आलेला पाचशे कोटीचा निधी जंगल भागात वळवले. ज्या ठिकाणी कुणीही राहत नाही, तिथे लेआऊट पडले आहे, ते धनाढ्य आणि जनप्रतिनिधीचे असून तिथेच भूमिगत गटार योजनेच्या कामाचे या निधीतून काम सुरू असल्याचा आरोप ओळंबे यांनी केला. ओळंबे महापालिका निवडणूक काळात अनेक नव्या आरोपांनी पक्षाला अडचणीत आणण्याची शक्यता आहे. Ladki Bahin scheme | ‘बटोगे तो फसोगे’ भाजपच्या नव्या नाऱ्याची चर्चा दरम्यान, भंडारा शहरातील प्रभाग क्रमांक 12 आणि 15 ची निवडणूक 20 डिसेंबरला होत आहे. मात्र याव भाजप नेते परिणय फुकेंनी केवळ उमेदवारीसाठी भाजप पक्षाशी गद्दारी करणाऱ्या उमेदवारांपासून मतदारांनी जागृत राहावं आणि प्रभागाच्या विकासासाठी भाजपच्याच अधिकृत उमेदवाराला भरघोस मतांनी विजयी करावं, असं आवाहन केले. यावेळी परिणय फुकेंनी ‘बटोगे तो फसोगे’चा नारा देत मतदारांना सावध करण्याचा प्रयत्न केला आहे. Ladki Bahin scheme | हेही वाचा : सर्वात मोठी बातमी! ऐन निवडणुकीच्या धामधुमीत काँग्रेसला मोठा धक्का; महिला आमदार हाती कमळ घेणार?
