न्यूयॉर्क – सध्या जागतिक बाजारात प्रदीर्घ काळापासून असलेली तेजी कृत्रिम आहे. फेब्रुवारी महिन्यामध्ये शेअर बाजाराचे निर्देशांक मोठ्या प्रमाणात कोसळतील. शेअर बाजारातील भांडवल इतर पर्यायी वित्तीय साधनाकडे वळेल, असे भाकीत रिच डॅड पुअर डॅड या पुस्तकाचे लेखक रॉबर्ट कियोसाकी यांनी केले आहे.

कियोसाकी यांनी अनेकदा या अगोदर शेअर बाजारातील कृत्रिम तेजीबाबत नकारात्मक मत व्यक्त केले आहे. शेअर बाजाराबरोबरच सरकारी रोख्यासारख्या वित्तीय उत्पादनावरही त्यांनी वेळोवेळी टीका केली आहे. हा फुगा कधीतरी फुटणारच आहे, असे अगोदर सांगितले होते. आता त्यांनी केलेल्या एका ट्विटमध्ये फेब्रुवारीत शेअर बाजाराचे निर्देशांक मोठ्या प्रमाणात कोसळतील असे सांगितले आहे.

In RICH DADs PROPHECY-2013 I warned the buggiest stock market crash in history was coming. That crash will be in February 2025.

Good news because in a crash everything goes on sale. Cars and houses on sale now.

Better news billions will leave the stock and bond markets and…

— Robert Kiyosaki (@theRealKiyosaki) January 27, 2025

कियोसाकी यांनी म्हटले आहे की, शेअर बाजार कोसळल्यानंतर बरेच गुंतवणूकदार शेअर बाजारातून बाहेर पडतील आणि क्रिप्टो करन्सी, रियल इस्टेट, सोने, चांदी इत्यादी क्षेत्रांमध्ये गुंतवणूक वाढेल. काही शहाणे गुंतवणूकदार असे निर्णय अगोदरच घेत असल्याचे त्यांनी म्हटले आहे.

कियोसाकी यांनी दोन दिवसांपूर्वी आपल्या ट्विटरवर हे भाकीत केले आहे. त्यानंतर चीनमधील स्टार्ट अपने डीपसिक नावाचे अ‍ॅप लॉन्च केले. त्यामुळे मंगळवारी शेअर बाजारात मोठ्या प्रमाणात घसरण झाली होती. कियोसाकी यांनी चीनचे कौतुक केले आहे. या अगोदर चिनने या बाबीपासून धडा घेऊन मोठ्या प्रमाणात सोने खरेदी करून ठेवले आहे. इतर जग मात्र गाफील राहिले आहे.

आता कृत्रिम बुद्धिमत्ता क्षेत्रात चीन सर्वांना मागे टाकून पुढे जात आहे असे ते म्हणाले. त्यांनी सांगितले की, पुढच्या महिन्यामध्ये जगाचा चेहरा मोरा बदलला जाणार आहे, डोनाल्ड ट्रम्प यांच्या कामाची त्यांनी स्तुती केली आहे. ज्या बाबी अगोदरच होणे गरजेचे होते त्या बाबी ट्रम्प उशिरा का होईना वेगाने करीत आहेत असे त्यांचे म्हणणे आहे.

कोणती वित्तीय साधने वधारणार-
शेअर बाजारावर विश्वास असणार्‍यांचे फेब्रुवारी महिन्यामध्ये अतोनात नुकसान होणार आहे. मात्र ज्यांनी पर्यायी वित्तीय साधनाचा शोध घेतला त्यांची कमी हानी होणार आहे. आगामी काळात मोठ्या प्रमाणात क्रिप्टोत गुंतवणूक होणार आहे. त्याचबरोबर सोने -चांदी इत्यादीसारख्या खर्‍या वित्तीय साधनात गुंतवणूक वाढणार असल्याचे त्यांनी सांगितले आहे.

दरम्यान क्रिप्टो करन्सी सध्या तेजीत असून अमेरिकेच्या अध्यक्षपदावर डोनाल्ड ट्रम्प यांची नियुक्ती झाल्यानंतर क्रिप्टोचे भाव एक लाख डॉलर पर्यंत वाढले आहेत. जेव्हा शेअर बाजार कोसळतो तेव्हा अनेक गोष्टी विक्रीला निघतात. आता कार, घरे नागरिक विकायला काढतील असे त्यांचे म्हणणे आहे. लोकांनी आताच शेअर विकून इतर वित्तीय साधनात गुंतवणूक करावी असे ते म्हणाले.