Madan Bob passed away : गेल्या काही दिवसांपासून साऊथ सिनेमा इंडस्ट्रीतून कलारांच्या निधनाच्या बातम्या समोर येत आहेत. नुकतेच अभिनेता आणि कॅामेडियन कलाभवन नवस यांच्या निधन झाले होते. या बातमीनंतर आता साऊथमधून आणखी एका कलाकाराच्या निधनाची बातमी समोर आली आहे. रजनीकांत आणि कमलहासनसोबत काम केलेला प्रसिद्ध अभिनेता मदन बॅाब यांचं निधन झालं आहे. त्यांची कॅन्सरशी झुंज अखेर अपयशी ठरली आहे. त्यांच्या निधनाच्या वृत्ताने हळहळ व्यक्त केली जात आहे.

मदन बॅाब हे ७१ वर्षांचे होते. सोशल मीडियावर पोस्ट करून त्यांच्या निधनाची बातमी देण्यात आली आहे. त्यांच्या निधनाच्या वृत्ताने चाहत्यांना मोठा धक्का बसला आहे. मिळालेल्या माहितीनुसार, आज सकाळी टॅालिवूडचे प्रसिद्ध विनोदी कलाकार मदन बॅाब यांचं निधन झालं आहे. त्यांची बऱ्याच काळापासून कॅन्सरशी झुंज सुरू होती. अखेर आज ही झुंज अपयशी ठरली असून, त्यांचं निधन झालं आहे. त्यांनी चैन्नईतील राहत्या घरी अखेरचा श्वास घेतला.

कोण होते मदन बॅाब? 

प्रसिद्ध अभिनेते मदन बॅाब यांचं खरं नाव एस कृष्णमूर्ती होते. त्यांनी २०० हून अधिक तमिळ चित्रपटांमध्ये काम केलं आहे. त्यामुळे साहजिकच त्यांचा चाहतावर्ग देखील मोठा आहे. १९९० ते २००० च्या काळात त्यांनी तमिळ चित्रपटांमधून प्रेक्षकांचे मनोरंजन केलं. याशिवाय त्यांनी तमिळ इंडस्ट्रीतील अनेक मोठ्या स्टार्ससोबतही काम केलं आहे. १९८० च्या दशकात त्यांनी चित्रपटसृष्टीत पदार्पण केलं.

मोठ्या स्टार्सबरोबर काम 

‘नेंगल केतवई’ (१९८४), ‘वानामे इलाई’ (१९९२) आणि ‘तेवर मगन’ या चित्रपटांमध्ये त्यांनी काम केलं आहे. त्यांना खरी ओळख या चित्रपटांनी मिळवून दिली. याशिवाय त्यांनी काही कॅामेडी चित्रपटांमध्येही काम केलं आहे. यामध्ये ‘साथी लीलावती’, ‘चंद्रमुखी’, ‘कावलन’, ‘रन’, ‘वरालारू’ आणि ‘वासूल राजा एमबीबीएस या चित्रपटांचा समावेश होतो. त्यांनी टॅालिवूड इंडस्ट्रातील रजीनकांत, कमलहासन, सूर्या या अभिनेत्यांसोबतही काम केलं आहे.