Saif Ali Khan : अभिनेता म्हणून काम करणाऱ्या सैफ अली खान (Saif Ali Khan) याने काही वर्षांपूर्वी निर्माता म्हणूनही बॉलिवूडमध्ये स्वतःची वेगळी एक ओळख निर्माण केली होती. मात्र, काही यशस्वी चित्रपटांची निर्मिती केल्यानंतर त्याने स्वतःचे प्रॉडक्शन हाऊस ‘इल्लुमिनाटी फिल्म्स’ (Illuminati Films) बंद केले. आता यामागचे कारण सैफने नुकत्याच दिलेल्या एका मुलाखतीत स्पष्ट केले आहे. सैफ सध्या त्याच्या ‘कर्तव्य’ (Kartavya) या चित्रपटामुळे चर्चेत आहे. या चित्रपटात त्याने पोलीस अधिकाऱ्याची भूमिका साकारलेली आहे. चाहत्यांकडून त्याच्या भूमिकेचे कौतुक केले जात आहे. मात्र, या चित्रपटाला थंड प्रतिसाद मिळाल्याचा दावा मीडिया रिपोर्टमधून करण्यात आला आहे. ‘लव्ह आज कल’ या चित्रपटातून निर्माता म्हणून पदार्पण केल्यानंतर सैफने ‘एजंट विनोद’, ‘कॉकटेल’, ‘गो गोवा गॉन’ आणि ‘हॅपी एंडिंग’ यांसारख्या चित्रपटांची निर्मिती केली होती. या चित्रपटांना प्रेक्षकांकडून चांगला प्रतिसाद मिळाला होता. (Saif Ali Khan) स्क्रिनला दिलेल्या मुलाखतीत सैफ म्हणाला, “निर्मितीचं काम खूप सर्जनशील असतं, पण त्याचवेळी ते तितकंच आव्हानात्मक आणि कधी कधी कंटाळवाणंही ठरू शकतं. एखाद्या कल्पनेवर काम करणं, ध्वनी आणि दृश्यांवर चर्चा करणं मला आवडतं. पण निर्मिती प्रक्रियेत अनेक गोष्टी सांभाळाव्या लागतात.” असे म्हणत त्याने त्याची निर्मिती संस्था बंद करण्यामागचे कारण सांगितले. Saif Ali Khan : ..म्हणून प्रोडक्शन हाऊस बंद केलं; सैफ अली खानचा खुलासा म्हणाला “आमचाही एक चांगला काळ…” त्याने पुढे सांगितले की, ‘इल्लुमिनाटी फिल्म्स’च्या यशामध्ये त्याचे वितरण भागीदार इरॉस इंटरनॅशनल आणि भागीदार दिनेश विजन यांच्या मॅडडॉक फिल्म्सचा मोठा वाटा होता. सैफ म्हणाला, “काळ बदलतो आणि माणसंही बदलतात. दिनेश विजयन आज उत्तम निर्माता बनला आहे. आमचाही एक चांगला काळ होता. त्या काळात मला खूप काही शिकायला मिळालं. काही गोष्टी कायम टिकत नाहीत, हे स्वीकारावं लागतं.” असं मत त्याने व्यक्त केलं. (Saif Ali Khan) दरम्यान, सैफ अली खान नुकताच शाहरुख खानच्या रेड चिलीज एंटरटेनमेंट निर्मित ‘कर्तव्य’ चित्रपटात दिसला. या चित्रपटातील कामाचा अनुभवाबद्दल बोलताना सैफने म्हणाली की, “निर्माता म्हणून मी चित्रपटात कोणताही हस्तक्षेप केला नाही. काही निर्माते दिग्दर्शकांना पूर्ण मोकळीक देतात आणि रेड चिलीजनेही तसंच केलं.” तसेच या मुलाखतीत सैफने शाहरुख खानचं कौतुक केलं. तो म्हणाला, “शाहरुखला सिनेमावर प्रचंड प्रेम आहे. तो जे विषय निवडतो आणि ज्या लोकांसोबत काम करतो, त्यातून त्याची सिनेमाबद्दलची आवड स्पष्टपणे दिसून येते.” हेही वाचा : Realme 16T: ३ दिवस चार्जिंगची चिंता नाही! ‘रिअलमी १६टी’ भारतात २२ मे रोजी लॉन्च, फीचर्स पाहून व्हाल थक्क
