Actress Kareena Kapoor : अभिनेत्री करीना कपूर हिला बॅालिवूडची बेबो गर्ल म्हटंल जातं. तिने अनेक दमदार भूमिका साकारून चाहत्यांच्या मनावर राज्य केलं आहे. करीनाचं अभिनेता सैफ अली खानसोबत लग्न होण्यापूर्वी आणि आत्ताही ती सिनेमात काम करताना भूमिका चांगली वठवताना कोणतीही कसर सोडत नाही. यामुळेच तिचा चाहतावर्ग तिच्या कामाचं कौतिक करत असतो. आता अभिनेत्रीने नुकतेच एका सिनेमात तिला डावलून दुसऱ्या अभिनेत्रीला कास्ट केल्याचा किस्सा सांगितला आहे. बॅालिवूडधील दिग्दर्शक संजय लीला भन्साळी हे नाव खूप मोठं आहे. त्यांच्या अनेक सिनेमांनी वास्तव प्रेक्षकांसमोर मांडलं आहे. मात्र, करीनाने दिग्दर्शक संजय लीला भन्साळी यांच्यावर गंभीर आरोप केले होते. भन्साळी यांनी करीनाची स्क्रिन टेस्ट घेतली, पण अभिनेत्रीला सिनेमात काम करण्याची संधी दिली नाही, असा आरोप तिने केला होता. त्या सिनेमाचं नाव होतं देवदास. या सिनेमात अभिनेता सैफ अली खान आणि अभिनेत्री करीना कपूर यांना कास्ट करण्यात येणार होतं, पण स्क्रिन टेस्टमध्ये या सिनेमातील पात्रांसाठी अभिनेता शाहरूख खान आणि ऐश्वर्या राय परफेक्ट सूट झाल्याने त्यांना संधी मिळाली. तेव्हा मी करीयरची सुरुवात केली होती. आता याबाबत अभिनेत्री करीनाने मोठा खुलासा केला आहे. ‘देवदास’ सिनेमासाठी माझी स्क्रिन टेस्ट घेतली होती. मला सायनिंग अमाउंट देखील दिलेली. त्यानंतर दुसऱ्या अभिनेत्रीला कास्ट केलं. हे फार चुकीचं होतं. मला प्रचंड वाईट वाटलं कारण तेव्हा मी करीयरची सुरुवात केली होती, असं अभिनेत्री म्हणाली. पुढे ती म्हणाली भन्साळी यांनी घेतलेला निर्णय मला बिलकूल आवडला नव्हता. काम नसेल तरी चालेल पण… त्यानंतर तिने ठरवलं माझ्याकडे काम नसेल तरी चालेल पण यापुढे कधीच संजय लीला भन्साळी यांच्यासोबत काम करणार नाही, असं ठरवलं असल्याचं अभिनेत्रीने मुलाखतीत सांगितलं. करीनाने केलेल्या आरोपांवर दिग्दर्शक संजय लीला भन्साळी यांनी सिनेमासाठी तिची स्क्रिन टेस्ट घेतली होती. पण याचा अर्थ असा होत नाही, मी तिला सिनेमासाठी साईन केलं आहे, असं स्पष्टीकरण दिलं. हेही वाचा : Pune News : पुणे जिल्ह्यात ड्रोन कॅमेऱ्याच्या वापरासाठी परवानगी बंधनकारक! अपर जिल्हादंडाधिकारी आदेश जारी
