Maharashtra Politics |  महायुतीचे राज्यपाल नियुक्त 7 आमदार ठरले आहे. महायुतीतील भाजप, शिवसेना (शिंदे गट) आणि राष्ट्रवादी काँग्रसने आपल्या उमेदवारांवर शिक्कामोर्तब केले आहे. आज दुपारी केंद्रीय निवडणूक आयोगाची पत्रकार परिषद पार पडणार आहे. त्यामुळे आजपासूनच राज्यात विधानसभा निवडणुकीची आचारसंहिता लागू होण्याची शक्यता आहे. आचारसंहिता लागू होण्यापूर्वी महायुतीकडून राज्यपाल नियुक्त आमदारांची यादी तयार करण्यात आली आहे. 12 पैकी 7 आमदारांना संधी देण्यात आली आहे.

आज दुपारी 12 वाजता आमदारांचा शपथविधी होईल. मात्र या शपथविधी विरोधात ठाकरे गटाने उच्च न्यायालयात धाव घेतली आहे. राज्यपाल नियुक्त आमदार प्रकरणी हायकोर्टाचा अंतिम निर्णय राखीव असताना आमदारांची नियुक्ती करणं असंविधानिक असल्याचा याचिकाकर्त्या ठाकरे गटाचा आरोप आहे. ठाकरे गटाचे नेते सुनील मोदी यांनी राज्यपाल नियुक्त आमदारांच्या शपथविधीविरोधात याचिका दाखल केली आहे.

महाराष्ट्रात राज्यपालांकडून सात विधान परिषद आमदार नियुक्तीचे आदेश दिले आहेत व त्यांचा आज दुपारी शपथविधी होत आहे. पण राज्य सरकारला असं करता येणार नाही असं म्हणत सुनील मोदी यांनी विरोध केला आहे. राज्यपाल नियुक्त 12 आमदारांचं प्रकरण उच्च न्यायालयात प्रलंबित असून त्यावर 7 ऑक्टोबरला दोन्ही बाजूंनी युक्तिवाद पूर्ण झाला आहे. Maharashtra Politics |

सुनील मोदी यांनी हायकोर्टात दाखल केलेल्या याचिकांवर गेल्याच आठवड्यात सुनावणी पार पडली. त्यावेळी या प्रकरणावरील सुनावणी पूर्ण करुन हायकोर्टानं निर्णय राखून ठेवला आहे. याबाबत स्पष्ट करताना निर्णय राखून ठेवताना हायकोर्टानं याप्रकरणी कोणतेही निर्देश सरकारला दिलेले नव्हते, त्यामुळे नियुक्त्या कायदेशीर असल्याचा दावा सरकारच्या वतीने करण्यात आला आहे. Maharashtra Politics |

कोणाला मिळाली संधी?  

राज्यपाल नियुक्त आमदारांमध्ये भाजपचे 3, शिवसेना शिंदे गट आणि राष्ट्रवादी काँग्रेस अजित पवार गटाचे प्रत्येकी 2-2 जण शपथ घेणार आहेत. भाजप महिला आघाडीच्या प्रदेश अध्यक्ष चित्रा वाघ, पक्षाचे प्रदेश सरचिटणीस विक्रांत पाटील आणि वाशिम जिल्ह्यातील बंजारा समाजाच्या पोहरादेवी संस्थानचे बाबूसिंग महाराज राठोड यांना भाजपकडून संधी देण्यात आली आहे.

तर शिवसेनेकडून माजी खासदार हेमंत पाटील आणि माजी आमदार मनीषा कायंदे यांना विधान परिषदेवर पाठविण्यात येत आहे. तर राष्ट्रवादीकडून पंकज भुजबळ आणि इद्रिस नायकवडी यांना संधी दिली आहे.  Maharashtra Politics |

विधीमंडळात उपसभापती निलम गोरे यांच्या उपस्थितीत हा शपथविधी पार पडणार आहे. आज दुपारी 12 वाजता राज्यपाल नामनियुक्त सात विधान परिषद सदस्यांचा शपथविधी विधान भवन मुंबई येथील मध्यवर्ती सभागृह येथे होणार आहे.

हेही वाचा:

महाराष्ट्र, झारखंडमध्ये विधानसभा निवडणुका होणार ; निवडणूक आयोग आज जाहीर करणार तारखा