Tesla Showroom Mumbai : इलेक्ट्रिक वाहन निर्मिती क्षेत्रातील नामांकित कंपनी टेस्लाने मुंबईतील बीकेसीमध्ये भारतातील पहिले शोरूम सुरू केले आहे. या शोरूमचे उद्घाटन राज्याचे मुख्यमंत्री देवेंद्र फडणवीस यांच्या हस्ते करण्यात आले. टेस्लाने आपल्या शोरूमच्या पाट्या मराठी आणि इंग्रजी या दोन्ही भाषांमध्ये लावलेल्या आहेत. यामुळे मुख्यमंत्र्यांनी मराठी भाषेचा केलेला आदर याबाबत कंपनीचे कौतुक केले. मोठ्या प्रतीक्षेनंतर इलॅान मस्क यांच्या टेस्ला या कंपनीच्या शोरूमची मुंबईत दमदार एन्ट्री झाली आहे. शोरूममध्ये टेस्लाचे अनेक भन्नाट मॉडेल्स उपलब्ध करण्यात आले असून, यामध्ये टेस्लाच्या मॉडेल ३, मॉडेल वाय आणि मॉडेल एक्सची झलक पाहायला मिळणार आहे. हे शोरूम ग्राहकांना इलेक्ट्रीक वाहनांचा अनुभव देण्यासाठी ‘टेस्ला एक्सपिरियन्स सेंटर’ म्हणून कार्यरत असणार आहे. टेस्लासारख्या जागतिक कंपनीचे महाराष्ट्रात आगमन हे राज्याच्या औद्योगिक प्रगतीला चालना देणारे आहे. टेस्लाने मराठी भाषेचा आदर राखत स्थानिक नियमांचे पालन केले आहे. यामुळे राज्यातील स्थानिकांना रोजगाराच्या संधीही उपलब्ध होतील, असे मुख्यमंत्री देवेंद्र फडणवीस म्हणाले. टेस्लाच्या शोरूमचा पत्ता देशातील पहिल्या टेस्ला शोरूमचा पत्ता मुंबईतील बांद्रा कुर्ला कॉम्प्लेक्स (BKC) येथे आहे. या शोरूमला टेस्ला एक्सपिरियन्स सेंटर म्हणून संबोधले जात आहे. नेमका पत्ता दिलेला नाही, मात्र अधिक माहितीसाठी टेस्लाच्या अधिकृत वेबसाइटवर भेट द्यावी. Y मॅाडेल किंमत टेस्ला कंपनीने मॉडेल Y ची एक्स-शोरूम किंमत 59.89 लाख ते 69.15 लाख अशी असणार आहे. मुंबईत अॅान रोड किंमत 63 लाख ते 70 लाखाच्या घरात जाईल, असे सांगण्यात आले आहे. टेस्ला कारची भारतात एन्ट्री झाल्यामुळे इलेक्ट्रिक वाहन बाजारपेठेला मोठा फायदा होणार आहे. हेही वाचा : ‘मोदीजींशी वैर नाही, पण नितीशजींची खैर नाही’ ; चिराग पासवान पुन्हा २०२० च्या भूमिकेत परतले?
