Amazon । सध्या ऑनलाईन वस्तू मागवणे सामान्य बाब झाली आहे. गेल्या काही वर्षात ऑनलाईन शॉपिंगला लोक प्राधान्य देत असतात. असे असले तरी काही वेळा ऑनलाईन शॉपिंगचा फटका काहींना बसतो. यामध्ये जर कपडयांची ऑनलाईन शॉपिंग केली असेल तर फोटो दाखवलेल्या पैकी वेगळाच कपडा खरीद दाराला मिळत. तर कधी कधी ऑनलाईन खरेदी करतांना फसवणूक झाल्याच्या घटनाही घडलेल्या बघायला मिळतात. मात्र यावेळी चक्क ऑनलाईन मागवलेल्या पार्सलमध्ये साप निघाल्याची घटना समोर आली आहे.

In a shocking incident, a family on Sarjapur Road received a live Spectacled Cobra with their Amazon order for an Xbox controller.

The venomous snake was fortunately stuck to packaging tape, preventing harm.#ITReel #Sarjapur #AmazonOrder #SnakeInAmazonOrder pic.twitter.com/EClaQrt1B6

— Prakash (@Prakash20202021) June 19, 2024

 

मिळालेल्या माहितीनुसार,’बेंगळुरूमध्ये राहणाऱ्या एका जोडप्याने ऑनलाइन ऑर्डर केलेल्या वस्तूंमध्ये जिवंत कोब्रा आढळल्याने धक्का बसला. या जोडप्याने Amazon वरून एक वस्तू  मागवली होती. Xbox कंट्रोलरची ऑनलाइन ऑर्डर दिली होती मात्र, या ऑनलाईन पार्सलला उघडताच जिवंत कोब्रा बाहेर आला. यावेळी पॅकेटमध्ये साप दिसल्याने त्यांना धक्काच बसला. सुदैवाने हा विषारी साप पॅकेजिंग टेपमध्ये अडकला होता. या कारणामुळे या सापाने दंश करू शकला नाही.’ ही घटना रविवारी घडल्याचे सांगण्यात येत आहे.

या संपूर्ण घटनेचा या जोडप्याने व्हिडिओ बनवला आणि तो सोशल मीडियावर शेअर केला. ते म्हणतात, ‘आम्ही 2 दिवसांपूर्वी Amazon वरून Xbox कंट्रोलर ऑर्डर केला आणि पॅकेजमध्ये एक जिवंत साप सापडला. पॅकेज थेट वितरण करणाऱ्या व्यक्तीने आमच्याकडे सुपूर्द केले (बाहेर सोडले नाही). आम्ही सर्जापूर रोडवर राहतो आणि संपूर्ण घटना कॅमेऱ्यात कैद केली आहे, आणि आमच्याकडे प्रत्यक्षदर्शीही आहेत.

महिलेने पुढे सांगितले की, ‘सुदैवाने तो (साप) पॅकेजिंग टेपला चिकटला होता त्यामुळे आमच्या घरातील किंवा अपार्टमेंटमधील कोणालाही इजा झाली नाही. एवढा मोठा धोका असूनही, Amazon ग्राहक सेवेने आम्हाला 2 तास स्वतः परिस्थिती हाताळण्यास सांगितले, आम्हाला मध्यरात्री एकट्याने परिस्थिती हाताळण्यास भाग पाडले. आम्हाला पूर्ण पैसे परत मिळाले आहेत, पण जीवघेण्या विषारी सापाचे काय मिळणार? Amazon च्या निष्काळजीपणामुळे आणि त्यांच्या खराब वाहतूक/गोदाम स्वच्छता आणि पर्यवेक्षणामुळे हे स्पष्टपणे सुरक्षा उल्लंघन आहे. सुरक्षेतील एवढ्या गंभीर त्रुटीचे उत्तर कोण देणार? असा प्रश्नही त्यांनी उपस्थित केला आहे. सापाला लोकांच्या आवाक्याबाहेर सुरक्षित ठिकाणी सोडण्यात आले आहे.

कंपनीकडून उत्तर आले
ग्राहकाच्या व्हिडिओला प्रतिसाद देत कंपनीने ट्विट केले की, ‘तुमच्या Amazon ऑर्डरमुळे तुम्हाला झालेल्या गैरसोयीबद्दल ऐकून आम्हाला वाईट वाटते. आम्ही त्यात लक्ष घालू. कृपया आवश्यक माहिती येथे सामायिक करा आणि आमची टीम तुमच्याशी संपर्क साधेल. अद्यतनांसह लवकरच तुमच्याशी बोलू. असेही त्यांनी सांगितले आहे.