राष्ट्रवादी काँग्रेस पक्षाच्या प्रदेशाध्यक्षा रूपालीताई चाकणकर यांचे गौरवोद्गार
वाघोली  (प्रतिनिधी): तेजस्विनी सामाजिक संस्थेच्या वतीने महिलांसाठी विविध उपक्रम राबवून त्यांना आत्मनिर्भर करण्यासाठी संस्थेच्या अध्यक्षा सारिका पवार यांनी केलेले कार्य समाजासाठी प्रेरणादायी असल्याचे गौरवोद्गार महाराष्ट्र राज्य राष्ट्रवादी काँग्रेस पक्षाच्या प्रदेशाध्यक्षा रूपालीताई चाकणकर यांनी व्यक्त केले.

तेजस्विनी सामाजिक संस्थेच्या वतीने वाघोली येथे शिवभोजन थाळी आणि अथर्व मल्टीस्पेशालिटी क्लिनिकचे उद्धाटन राष्ट्रवादी काँग्रेसच्या महिला प्रदेशाध्यक्षा रुपालीताई चाकणकर यांच्या हस्ते करण्यात आले. याप्रसंगी त्या बोलत होत्या.

उद्धाटना प्रसंगी रुपालीताई  चाकणकर यांनी वाघोली तालुका हवेली येथे महिलांचे यशस्वी संघटन करून त्यांना स्वबळावर आर्थिक प्रगती साधण्यासाठी आत्मनिर्भर तेचे विविध व्यवसायभिमुख प्रशिक्षण वर्ग राबून शिक्षण देणाऱ्या तेजस्विनी सामाजिक संस्थेच्या अध्यक्षा सारिका पवार यांनी केलेल्या कार्यामुळे वाघोली आणि परिसरात महिला स्वावलंबी बनल्या  असल्याचे कौतुक रूपालीताई चाकणकर यांनी केले.

याप्रसंगी रावलक्ष्मी फाउंडेशनच्या माध्यमातून शिरूर-हवेलीचे आमदार अशोक पवार, परिषद  सदस्य सुजाता पवार यांनी  केलेल्या कार्याबद्दल  देखील कौतुक केले . वाघोली मधील आशा वर्कर यांना करुणा काळात केलेल्या अविरत सेवेबद्दल तेजस्विनी सामाजिक संस्थेच्या वतीने अन्नधान्य किट चे वाटप करण्यात आले तसेच वाघोली येथील वाहतूक नियंत्रण करणाऱ्या वार्डन यांना पावसाळी रेनकोट चे वाटप संस्थेच्यावतीने करण्यात आले.

याप्रसंगी शिरूर-हवेलीचे आमदार अशोक पवार, माजी जिल्हा परिषद सदस्य रामभाऊ दाभाडे, हवेली पंचायत समितीचे सदस्य सर्जेराव वाघमारे, माजी सरपंच संजीवनी वाघमारे, वाघोली च्या सरपंच वसुंधरा उबाळे, उपसरपंच महेंद्र भाडळे, पश्चिम महाराष्ट्र राष्ट्रवादी महिला काँग्रेस पक्ष निरीक्षक भारती शेवाळे, विद्याताई जोशी, माजी सरपंच जयश्री राजेंद्र सातव पाटील, लोचन शिवले, सुनंदा दाभाडे, वंदना दाभाडे, ग्रामपंचायत सदस्य रेश्मा पाचरणे, मीना सातव पाटील, माजी उपसरपंच मंदाताई जाधवराव,

माजी सरपंच शिवदास उबाळे, हवेली तालुका राष्ट्रवादी काँग्रेसचे वरिष्ठ उपाध्यक्ष बाळासाहेब सातव, प्रदिप वसंत कंद, माजी उपसरपंच समीर भाडळे, कैलास सातव पाटील, राजेंद्र पायगुडे, शोभा हरगुडे,वाघोली तंटामुक्त समितीचे माजी अध्यक्ष प्रमोद भाडळे, माजी ग्रामपंचायत सदस्य दत्तात्रेय कटके, चैतन्य सातव, किरण पवार, विनायक दाभाडे, अतुल शिंदे, लखन भाडळे आदी मान्यवर  व बहुसंख्येने महिला उपस्थित होत्या होते.

” वाघोली मधील महिलांचे संघटन करून  बचत गटाच्या माध्यमातून  महिलांना स्वयंरोजगाराची प्रशिक्षण केंद्र उभे करणारी संस्था म्हणून तेजस्विनी सामाजिक संस्था ओळखली जाते. सामाजिक जाणीव ठेवून तेजस्विनी सामाजिक संस्थे च्या अध्यक्षा सारिका पवार व त्यांचे इतर सहकारी महिला यांनी केलेल्या कार्य समाजासाठी प्रेरणादायी आहे.”
अशोक पवार,आमदार शिरूर हवेली