Technology | Xiaomi : चिनी स्मार्टफोन निर्माता Xiaomi ने शुक्रवार, २७ मार्च २०२६ रोजी भारतीय ग्राहकांसाठी बजेट श्रेणीतील नवीन ‘Redmi 15A 5G’ स्मार्टफोन लॉन्च केला आहे. आकर्षक फीचर्स, मोठी बॅटरी आणि दीर्घकालीन सॉफ्टवेअर अपडेट्समुळे हा फोन किफायतशीर दरातील ग्राहकांसाठी खास पर्याय ठरणार असल्याचे कंपनीने सांगितले आहे. सॉफ्टवेअर आणि अपडेट्स : Technology Redmi 15A 5G हा स्मार्टफोन Android 16 आधारित HyperOS 3.0 ऑपरेटिंग सिस्टीमवर कार्यरत आहे. या फोनला ४ वर्षांचे Android अपडेट्स, ६ वर्षांचे सुरक्षा अपडेट्स (Security Updates) मिळणार असल्यामुळे दीर्घकाळ सुरक्षित आणि अद्ययावत वापराचा अनुभव मिळणार आहे. दमदार बॅटरी आणि चार्जिंग : Technology या स्मार्टफोनमध्ये ६,३०० mAh क्षमतेची मोठी बॅटरी देण्यात आली आहे. तसेच १५W फास्ट चार्जिंग, ७.५W वायर्ड रिव्हर्स चार्जिंग सपोर्ट उपलब्ध आहे. धूळ आणि पाण्याच्या हलक्या शिंतोड्यांपासून संरक्षणासाठी फोनला IP52 रेटिंग देण्यात आले आहे. मोठा डिस्प्ले आणि आधुनिक फीचर्स : ६.९ इंचाचा मोठा डिस्प्ले १२०Hz रिफ्रेश रेट ८०० nits ब्राइटनेस Wet Touch Technology 2.0 ही सुविधा देण्यात आली असून ओल्या हातांनीही स्क्रीन सहज वापरता येते. फोनमध्ये ऑक्टा-कोअर प्रोसेसर देण्यात आला आहे. स्टोरेज : ६GB पर्यंत RAM आणि १२८GB स्टोरेज उपलब्ध आहे. मायक्रोSD कार्डच्या मदतीने स्टोरेज २TB पर्यंत वाढवण्याची सुविधा देखील देण्यात आली आहे. कॅमेरा फीचर्स : ३२MP रिअर कॅमेरा आणि ८MP फ्रंट कॅमेरा देण्यात आला आहे, ज्यामुळे दैनंदिन फोटो आणि व्हिडिओ कॉलिंगसाठी चांगला अनुभव मिळेल. किंमत आणि विक्री : 4GB + 64GB: ₹12,999 4GB + 128GB: ₹14,499 6GB + 128GB: ₹16,499 या स्मार्टफोनची विक्री ३ एप्रिल २०२६ पासून Flipkart, Mi.com आणि Xiaomi च्या अधिकृत रिटेल स्टोअर्सवर सुरू होणार आहे. एकूणच, मोठी बॅटरी, 5G सपोर्ट आणि दीर्घकालीन अपडेट्समुळे Redmi 15A 5G हा बजेट सेगमेंटमध्ये मजबूत स्पर्धक ठरण्याची शक्यता आहे.
