Pune District : गुणवत्ता टिकवण्यासाठी शिक्षकांनी योगदान द्यावे
Pune District : जिल्हा परिषदेचे मुख्य कार्यकारी अधिकारी गजानन पाटील म्हणाले की, जिल्हा परिषदेच्या माध्यमातून उभारण्यात आलेल्या पहिल्या मॉडेल स्कूलचे लोकार्पण होत आहे.

पिरंगुट : शैक्षणिक क्षेत्रात पुणे जिल्ह्याचे नाव अग्रेसर आहे. जिल्ह्याचा शैक्षणिक दर्जा आणि गुणवत्ता टिकवून ठेवण्यासाठी शिक्षकांनी योगदान द्यावे, असे प्रतिपादन पुणे जिल्हा परिषदेचे अध्यक्ष वीरधवल जगदाळे यांनी केले.
चांदे (ता. मुळशी) येथे ग्रामसचिवालय आणि मॉडेल स्कूलचा लोकार्पण सोहळा आमदार शंकर मांडेकर यांच्या अध्यक्षतेखाली आणि जिल्हा परिषद अध्यक्ष विरधवल जगदाळे यांच्या हस्ते झाला. त्यावेळी ते बोलत होते.
जिल्हा परिषदेचे मुख्य कार्यकारी अधिकारी गजानन पाटील म्हणाले की, जिल्हा परिषदेच्या माध्यमातून उभारण्यात आलेल्या पहिल्या मॉडेल स्कूलचे लोकार्पण होत आहे. यंदा जिल्हा परिषद शाळांमधील विद्यार्थ्यांच्या पटसंख्येत वाढ झाली आहे.
यावेळी पुणे जिल्हा परिषदेचे उपाध्यक्ष विवेक वळसे पाटील, कृषी व पशुसंवर्धन सभापती अमोल नलावडे, मुळशीच्या सभापती मंदा शेळके, जिल्हा परिषद सदस्य शांताराम इंगवले, मिलिंद वाळंज, शिवाजी बुचडे, जिल्हा बँकेचे उपाध्यक्ष सुनील चांदेरे, उपसभापती दगडू करंजावणे, पंचायत समिती सदस्य प्रविण धनवे, काजल मोरे, ऐश्वर्या वाघमारे, माजी उपसभापती सारिका मांडेकर, साखर कारखान्याचे संचालक राजेंद्र कुदळे, यशवंत गायकवाड, दत्तात्रय उभे, धैर्यशील ढमाले, दत्तात्रय जाधव, कात्रज दूध उत्पादक संघाचे संचालक चंद्रकांत भिंगारे, निता नांगरे, गटविकास अधिकारी सुधीर भागवत, प्राथमिक शिक्षणाधिकारी ललिता दहीतुले, प्रशासक अजित साकोरे यांच्यासह विविध पदाधिकारी, अधिकारी आणि ग्रामस्थ उपस्थित होते. कार्यक्रमात चांदे ग्रामपंचायतीच्या स्थापनेपासून गावाच्या विकासात योगदान देणारे माजी व विद्यमान सरपंच, उपसरपंच, पोलीस पाटील, माजी सैनिक, वैज्ञानिक आणि पोलीस यांचा मान्यवरांच्या हस्ते सन्मान करण्यात आला. प्रास्ताविक माजी उपसरपंच गणेश मांडेकर यांनी केले, तर ग्रामपंचायत अधिकारी अर्चना धुपदाळे यांनी आभार मानले.
दिवंगत उपमुख्यमंत्री अजित पवार यांच्या माध्यमातून जिल्हा वार्षिक योजनेतून भोर, मुळशी आणि राजगड या तीन तालुक्यांतील 60 मॉडेल स्कूलसाठी 59 कोटी रुपये मंजूर झाले आहेत. मतदारसंघातील मॉडेल स्कूलची कामे दर्जेदार होत आहेत. आगामी शैक्षणिक वर्षात शिष्यवृत्ती परीक्षेत विद्यार्थ्यांनी यश मिळवावे, यासाठी शिक्षकांनी विशेष प्रयत्न करावेत.
-शंकर मांडेकर, आमदार





