Tata Sierra – भारतीय ऑटो बाजारात सध्या सर्वाधिक चर्चेत असलेली ‘टाटा सिएरा’ येत्या 25 नोव्हेंबरला अधिकृतपणे लॉन्च होणार आहे. 1991 ते 2003 दरम्यान भारतात लोकप्रिय ठरलेली ही SUV आता आधुनिक डिझाइन आणि भविष्यातील तंत्रज्ञानासह पुनः बाजारात उतरणार आहे. अत्यंत स्पर्धात्मक सेगमेंटमध्ये पदार्पण करणाऱ्या सिएरामुळं टाटा मोटर्सच्या विक्रीत मोठी वाढ होण्याची अपेक्षा आहे. लॉन्चपूर्वी टाटा मोटर्सने या SUV चे फीचर्स उघड केले असून, त्यात टाटाच्या कोणत्याही कारमध्ये प्रथमच दिले जाणारे पाच महत्त्वाचे फीचर्स आणि एक खास इंजिनचा समावेश आहे. 1. दमदार 1.5-लीटर टर्बो-पेट्रोल इंजिन : टाटा सिएरामध्ये 1.5-लीटर टर्बोचार्ज्ड पेट्रोल इंजिन मिळणार आहे. जे 168 बीएचपीची कमाल शक्ती 280 एनएम टॉर्क उत्पन्न करते. ट्रान्समिशन पर्याय – 6-स्पीड मॅन्युअल गिअरबॉक्स आणि 7-स्पीड DCT ऑटोमॅटिक टाटा कारमध्ये हा पहिलाच इतका दमदार पेट्रोल इंजिन पर्याय असेल. 2. ट्रिपल-स्क्रीन डॅशबोर्ड – टाटाची पहिली कार! टाटा सिएरामधील केबिनला प्रीमियम स्पर्श देणारा सर्वात आकर्षक फीचर म्हणजे ट्रिपल-स्क्रीन लेआउट: 12.3-इंच सेंट्रल टचस्क्रीन इंफोटेनमेंट 12.3-इंच पॅसेंजर-डिस्प्ले 12.3-इंच डिजिटल इन्स्ट्रुमेंट क्लस्टर हा सेटअप टाटाच्या कोणत्याही कारमध्ये पहिल्यांदाच दिला जात आहे, ज्यामुळे सिएराला एक अल्ट्रा-प्रीमियम लुक प्राप्त होतो. 3. JBL चे 12-स्पीकर ऑडिओ सिस्टम : सिएरामध्ये JBL चे 12 हाय-क्वालिटी स्पीकर्स देण्यात येणार असून, हा टाटाचा आजपर्यंतचा सर्वाधिक स्पीकर्स असलेला ऑडिओ सेटअप आहे. यासोबतच टेम्परेचर कंट्रोल पॅनेलच्या वर एक विशेष साउंडबार देखील दिला जाईल. 4. अंडर-थाई सपोर्ट – दीर्घ प्रवासात उत्कृष्ट आराम : लांब प्रवास जास्त आरामदायक करण्यासाठी सिएरामध्ये फोल्ड-आउट अंडर-थाई सपोर्ट देण्यात आला आहे. या फीचरमुळे, पायांना उत्तम आधार, प्रवासादरम्यान थकवा कमी, सीटिंग कम्फर्ट अधिक वाढतो. टाटामधील पहिलीच SUV ज्यामध्ये हा फीचर मिळणार आहे. 5. खास सन-वायझर तंत्रज्ञान : चालक आणि पुढील प्रवाशाला कडक सूर्यप्रकाशापासून प्रभावी संरक्षण देणारा नवीन प्रकारचा सन-वायझर सिएरामध्ये देण्यात आला आहे. हे पारंपरिक वायझरपेक्षा अधिक चांगले संरक्षण देतात, विशेषतः आहे. सकाळच्या उजेडात आणि दुपारच्या तीव्र उन्हात याचा चांगला फायदा होणार आहे. हा फीचरही टाटामध्ये पहिल्यांदाच उपलब्ध होणार आहे. टाटा सिएरा या SUV मध्ये टाटाने डिझाइन, तंत्रज्ञान, कम्फर्ट आणि परफॉर्मन्स यांचा प्रभावी समतोल साधला आहे. पाच नव्या प्रीमियम फीचर्स आणि दमदार 1.5-लीटर टर्बो-पेट्रोल इंजिनमुळे सिएरा भारतीय बाजारात पुन्हा एकदा जोरदार पुनरागमन करण्यास सज्ज आहे.
