Tata Punch Facelift: नवीन ‘टाटा पंच’ फेसलिफ्ट भारतात लाँच; आजपासून बुकिंग सुरू, किंमत किती? नवीन फिचर्स काय?

Tata Punch Facelift: भारतीय वाहन बाजारपेठेत आपली पकड मजबूत करत टाटा मोटर्स पॅसेंजर व्हेइकल्सने अखेर बहुप्रतिक्षित ‘टाटा पंच फेसलिफ्ट’ (Tata Punch Facelift) अधिकृतपणे लाँच केली आहे. आकर्षक लूक, हाय-टेक फीचर्स आणि शक्तिशाली इंजिनसह आलेल्या या SUV ची सुरुवातीची किंमत ५.५९ लाख रुपये (एक्स-शोरूम) इतकी ठेवण्यात आली आहे. आजपासूनच या कारचे बुकिंग सुरू झाले असून, ही कार ह्युंदाई एक्सटर आणि निसान मॅग्नाईटसारख्या गाड्यांना जोरदार टक्कर देणार आहे.

अधिक ‘शार्प’ आणि मॉडर्न लूक – नवीन टाटा पंचमध्ये बाह्य रचनेत महत्त्वाचे बदल करण्यात आले आहेत. या कारची स्टाईलिंग आता ‘पंच इलेक्ट्रिक’ (Punch.ev) शी मिळतीजुळती आहे. यात नवीन डिझाइनचे एलईडी हेडलाइट्स, स्लीकर डीआरएल्स (DRLs) आणि कॉर्नरिंग फंक्शनसह एलईडी फॉग लॅम्प्स देण्यात आले आहेत. जरी यात फुल-विड्थ लाइट बार नसला, तरी नवीन ग्रिल, स्पोर्टी बंपर आणि नवीन अलॉय व्हील्समुळे कारला प्रीमियम लूक मिळाला आहे. ग्राहकांसाठी सायंनटॅफिक, कॅरेमल आणि बेंगाल रोज सारखे नवीन रंग पर्यायही उपलब्ध करून दिले आहेत.

हाय-टेक इंटीरियर आणि ५-स्टार सेफ्टी – कारच्या अंतर्गत भागात मोठे बदल पाहायला मिळतात. यात आता २६.०३ सेमीची मोठी टचस्क्रीन, १७.८ सेमीचे डिजिटल क्लस्टर आणि ३६०-डिग्री सराउंड व्ह्यू कॅमेरा देण्यात आला आहे. आरामदायी प्रवासासाठी आर्मरेस्ट आणि ऑटोमॅटिक क्लायमेट कंट्रोलची सुविधा आहे. सुरक्षिततेच्या बाबतीत टाटाने तडजोड केलेली नाही; या कारला ग्लोबल NCAP कडून ५-स्टार रेटिंग मिळाले असून, यात ६ एअरबॅग्स, ईएसपी (ESP) आणि हिल डिसेंट कंट्रोल यांसारखे फीचर्स स्टँडर्ड म्हणून दिले आहेत.

इंजिन आणि परफॉर्मन्स टाटा पंच फेसलिफ्ट आता तीन इंजिन पर्यायांसह उपलब्ध आहे: १. १.२ लिटर iTurbo पेट्रोल: १२० PS पॉवर आणि १७० Nm टॉर्क (० ते १०० किमी वेग अवघ्या ११.१ सेकंदात). २. १.२ लिटर रेवोट्रॉन पेट्रोल: ५-स्पीड मॅन्युअल आणि एएमटी (AMT) पर्यायासह ८७.८ PS पॉवर. ३. फॅक्टरी फिटेड iCNG: ७३.४ PS पॉवरसह सीएनजीचा किफायतशीर पर्याय.

व्हेरियंटनुसार किमती (एक्स-शोरूम):

इंजिन प्रकार सुरुवातीची किंमत टॉप मॉडेल किंमत पेट्रोल मॅन्युअल ₹ ५.५९ लाख (Smart) ₹ ८.९९ लाख (Accomplished + S) पेट्रोल ऑटोमॅटिक ₹ ७.५४ लाख (Pure +) ₹ ९.५४ लाख (Accomplished + S) iCNG (मॅन्युअल) ₹ ६.६९ लाख (Smart) ₹ ९.५४ लाख (Accomplished + S) iTurbo पेट्रोल ₹ ८.२९ लाख (Adventure) ₹ ९.७९ लाख (Accomplished + S)