Tamhini Ghat : मुसळधार पावसामुळे ताम्हिणी घाट (Tamhini Ghat) परिसरात निर्माण झालेल्या धोकादायक परिस्थितीच्या पार्श्वभूमीवर पौड–माणगाव (ताम्हिणी घाट) मार्ग पुढील आदेशापर्यंत सर्व प्रकारच्या वाहतुकीसाठी बंद करण्यात आला आहे.

आदरवाडी परिसरात रस्त्यावरून मोठ्या प्रमाणात पाण्याचा प्रवाह सुरू असून दरड कोसळण्याची (Tamhini Ghat) शक्यता निर्माण झाली आहे. नागरिकांच्या सुरक्षेच्या दृष्टीने हा निर्णय घेण्यात आला आहे.

या संदर्भात उपविभागीय अधिकारी (मावळ–मुळशी), पौड पोलीस स्टेशन चे वरिष्ठ पोलीस निरीक्षक यांच्याशी चर्चा करून वाहतूक बंद करण्याचा निर्णय घेण्यात आला आहे. तसेच रायगड जिल्ह्यातील प्रांताधिकारी, माणगाव, तहसीलदार आणि पोलीस निरीक्षक, माणगाव यांनाही त्यांच्या हद्दीत आवश्यक ती कार्यवाही करण्याबाबत कळविण्यात आले आहे.

प्रशासनाने नागरिकांना आवाहन केले आहे की, पुढील सूचना मिळेपर्यंत ताम्हिणी घाट (Tamhini Ghat) मार्गाचा वापर करू नये आणि प्रशासनाला सहकार्य करावे. तसेच पर्यटकांनी व वाहनचालकांनी पर्यायी मार्गांचा वापर करून अनावश्यक प्रवास टाळावा आणि प्रशासनाला सहकार्य करावे.