Taliban warns Pakistan। अफगाणिस्तान आणि पाकिस्तानमधील शांतता चर्चा अयशस्वी झाल्यानंतर तालिबान सरकारने “पाकिस्तानी लष्कर आणि गुप्तचर सेवांमधील काही घटक सीमेवरील तणाव कमी करण्याच्या उद्देशाने होणाऱ्या संवाद प्रक्रियेत जाणूनबुजून अडथळा आणत आहेत.” असा आरोप केला आहे. अफगाण तालिबान सरकारचे प्रवक्ते जबीहुल्लाह मुजाहिद म्हणाले की, हे घटक पाकिस्तानच्या अंतर्गत समस्या, असुरक्षितता आणि तहरीक-ए-तालिबान पाकिस्तान (टीटीपी) द्वारे केलेल्या हल्ल्यांसाठी तालिबान सरकारला दोष देण्याचा प्रयत्न करीत आहेत.” त्यासोबतच पाकिस्तानने आमच्या संयमाची परीक्षा घेऊ नये असा धमकी वजा इशारा देखील अफगाणिस्तानने दिला आहे. मुजाहिद म्हणाले की, अफगाणिस्तान कोणालाही इतर कोणत्याही देशाविरुद्ध आपला भूभाग वापरण्याची परवानगी देणार नाही आणि त्यांच्या सार्वभौमत्वाला किंवा सुरक्षिततेला हानी पोहोचवणारी कोणतीही कृती करू देणार नाही.” पाकिस्तानची बेजबाबदार आणि असहयोगी वृत्ती Taliban warns Pakistan। व्हिडिओ कॉन्फरन्सद्वारे पत्रकार परिषदेला संबोधित करताना त्यांनी,”पाकिस्तानच्या लष्कर आणि गुप्तचर सेवांमधील काही घटक जाणूनबुजून शांतता प्रक्रियेत अडथळा आणत आहेत. इस्लामिक अमिरातचे चांगले हेतू आणि मध्यस्थांच्या प्रयत्नांना न जुमानता, पाकिस्तानी शिष्टमंडळाच्या बेजबाबदार आणि असहयोगी वृत्तीमुळे कोणतेही परिणाम साध्य झालेले नाहीत” असे त्यांनी यावेळी सांगितले. तालिबानचा पाकिस्तानला इशारा अफगाणिस्तानच्या प्रतिनिधींनी ६ आणि ७ नोव्हेंबर रोजी झालेल्या बैठकीत सद्भावनेने आणि योग्य अधिकाराने भाग घेतला आणि पाकिस्तान हे प्रकरण गांभीर्याने आणि रचनात्मकपणे घेईल अशी आशा व्यक्त केली. निवेदनात म्हटले आहे की, पाकिस्तानने बेजबाबदार आणि असहयोगी वृत्ती दाखवली आहे, त्याच्या सुरक्षेशी संबंधित सर्व जबाबदारी अफगाण सरकारवर ढकलण्याचा प्रयत्न केला आहे. इस्लामाबादच्या भूमिकेवर टीका करताना, तालिबानने आपल्या तत्वनिष्ठ भूमिकेचा पुनरुच्चार केला की अफगाणिस्तान आपला भूभाग इतर कोणत्याही देशाविरुद्ध वापरू देणार नाही आणि कोणत्याही परदेशी राष्ट्राला त्याच्या सार्वभौमत्वाचे आणि स्वातंत्र्याचे उल्लंघन करू देणार नाही.” असे म्हटलेआहे. तसेच “अफगाणिस्तानच्या लोकांचे आणि भूभागाचे रक्षण करणे हे अमिरातीचे “इस्लामिक आणि राष्ट्रीय कर्तव्य” आहे.” असे त्यांनी म्हटले. पाकिस्तानच्या मुस्लिम लोकांशी असलेल्या संबंधांची पुष्टी करताना, तालिबानने म्हटले आहे की ते केवळ त्याच्या जबाबदाऱ्या आणि क्षमतांच्या मर्यादेत सहकार्य करेल. अफगाण लोकांच्या संयमाची परीक्षा घेण्याविरुद्ध इशारा पाकिस्तानचे संरक्षण मंत्री ख्वाजा आसिफ यांनी मान्य केले की चर्चेची तिसरी फेरी कोणत्याही निकालाशिवाय अनिश्चित टप्प्यावर पोहोचली आहे. ते म्हणाले की चौथ्या फेरीची अद्याप कोणतीही योजना नाही. अफगाणिस्तानचे आदिवासी, सीमा आणि आदिवासी व्यवहार मंत्री नूरुल्लाह नूरी यांनी पाकिस्तानी अधिकाऱ्यांना “अफगाणिस्तानच्या संयमाची परीक्षा घेऊ नका”असा इशारा दिला आणि आसिफ यांना त्यांच्या देशाच्या तंत्रज्ञानावर जास्त अवलंबून राहण्यापासून सावध केले. जर संघर्ष झाला तर वृद्ध आणि तरुण अफगाण दोघेही लढण्यासाठी उभे राहतील असे त्यांनी सांगितले. टीटीपी आणि पाकिस्तान यांच्यात थेट चर्चा Taliban warns Pakistan। जबीहुल्लाह मुजाहिद यांनी शनिवारी पत्रकार परिषदेत सांगितले की तहरीक-ए-तालिबान पाकिस्तान (टीटीपी) आणि पाकिस्तान यांच्यातील हा मुद्दा बराच काळापासून सुरू आहे, जो २००२ पासून सुरू आहे आणि इस्लामिक अमिरातने सत्ता हाती घेतल्यानंतर तो समोर आला नाही. त्यांनी सांगितले की इस्लामिक अमिरात ऑफ अफगाणिस्तानने टीटीपी आणि पाकिस्तान यांच्यात थेट चर्चा घडवून आणली होती, जी मोठ्या प्रमाणात यशस्वी झाली, परंतु पाकिस्तानी लष्करातील काही घटकांनी ही प्रक्रिया बिघडवली. अफगाणिस्तान-पाकिस्तान सीमेवर युद्धबंदी लागू मुजाहिद यांनी असेही म्हटले की पाकिस्तानी लष्करातील काही गट अफगाणिस्तानमध्ये मजबूतपणे स्थापित सार्वभौम सत्तेला विरोध करतात. सीमेवरील तणाव कमी करण्याच्या उद्देशाने इस्तंबूलमध्ये झालेल्या चर्चेने पाकिस्तानचा दुटप्पीपणा, अविश्वास वाढवणे आणि संघर्षाची शक्यता वाढवणे उघड केले आहे. अफगाणिस्तान-पाकिस्तान सीमेवर युद्धबंदी असूनही, अफगाणिस्तानला शंका आहे की पाकिस्तान पुन्हा एकदा विनाकारण हल्ले करू शकतो, ज्यामध्ये नागरिकांवर ड्रोन हल्ले करणे समाविष्ट आहे.
