UPI Tips For Safe Online Payments|  सध्या ऑनलाईन व्यवहार करण्याकडे नागरिकांचा कल वाढत असल्याचे दिसत आहे. सहज आणि सोप्या पद्धतीने ऑनलाइन व्यवहार करता येत असल्याने अनेकांची फोन पे, गुगल पे आणि पेटीएम सारख्या युपीआय आयडीला युनिफाइड पेमेंट्स इंटरफेस (UPI) पसंती मिळत आहे. परंतु अनेकदा ऑनलाइन व्यवहार करताना नागरिकांची फसवणूक होते. सध्या या घटनांचे प्रमाण देखील वाढले आहे .युपीआय ट्रांजेक्शन करताना सावधगिरी बाळगणे महत्त्वाचे आहे. यासाठी कोणत्या गोष्टी लक्षात घेतल्या पाहिजे ते पाहूयात.

पासवर्ड

बँक खाते आणि UPI अॅप सुरक्षित ठेवायचे असेल तर पिन, पॅटर्न, फेस, अनलॉक, फिंगरप्रिट यांसारख्या तंत्रज्ञानाचा वापर करावा. पासवर्ड आणि पिन सेटकरताना सगळ्यात कठीण पासवर्ड सेट करा. सहज सोपा पासवर्ड ठेवल्यास फसवणूक होण्याची शक्यता अधिक असते.

UPI अॅप अपडेट करा

अॅप बऱ्याच काळापासून अपडेट न केल्यास हॅकर्सना आणि स्कॅमर्सना ते लगेच उपलब्ध होते. त्यामुळे जेव्हाही अॅप अपडेटचे ऑप्शन येते तेव्हा ते लगेच अपडेट करा. कंपनी प्रत्येक अपडेटमध्ये अनेक प्रकारची सुरक्षा देते. स्मार्टफोनमध्ये कोणतेही चुकीचे अ‍ॅप डाऊनलोड करू नका. यामुळे तुमची वैयक्तिक माहिती लीक होण्याची शक्यता असते.

पेमेंट हिस्ट्री

अनेकदा ऑनलाइन पेमेंट केल्यानंतर त्यांच्या ट्रान्जेंक्शन हिस्ट्रीकडे लक्ष दिले जात नाही. ही सवय बदलणे गरजेचे आहे.  त्यामुळे तुमचे नुकसान टाळण्यासाठी ट्रान्जेंक्शन हिस्ट्री वेळोवेळी तपासली पाहिजे.

बायोमेट्रिक प्रमाणीकरण आणि अॅप लॉक

बायोमेट्रिक प्रमाणीकरण आणि पिन सेट करण्याचा पर्याय सर्व प्रकारच्या ऑनलाइन पेमेंट अॅप्लिकेशनमध्ये अॅड करु शकता. फोनवर पासवर्ड टाकण्यासोबतच अॅपमध्ये येणाऱ्या ऑथेंटिकेशन प्रक्रियेचा अवलंब करा.

 सार्वजनिक वायफायचा वापर टाळा 

अनेकदा आपण रेल्वे स्टेशन, बस स्टॉप, शॉपिंग कॉम्प्लेक्स यांसारख्या ठिकाणी उपलब्ध असलेले सार्वजनिक वायफायद्वारे ऑनलाइन पेमेंट करतात. यामुळे बँक खाते हॅक होते. ऑनलाइन पेमेंटसाठी सार्वजनिक वाय-फाय कधीही वापरु नका. हॅकर्सद्वारे सार्वजनिक वाय-फायद्वारे फोन आणि बँक खाते हॅक केले जाऊ शकते.

यूपीआय आयडी 

ज्या व्यक्तीला आपण पैसे देणार असू त्यांचे यूपीआय आयडी व्हेरिफिकेशन करणे आवश्यक ठरते. व्हेरिफिकेशन केल्याशिवाय पैसे हस्तांरित करु नका. यूपीआयच्या अॅपवर असतानाच तुम्ही यूपीआय पीनचा वापर करा. आपण सेट केलेला यूपीआय पीन कोणालही शेअर करु नका. बँकेतून फोन आल्याचे अनेकदा फेक कॉल येत असतात. त्यावर बँक अकाऊंट, UPI पिन क्रमांक किंवा ओटीपी नंबरबाबत विचारणा करण्यात येते. मात्र या गोष्टी कोणासोबत शेअर करू नका.

हेही वाचा: 

काँग्रेसच्या पहिल्या यादीत किती मुस्लिम उमेदवार? SC-ST ला किती मिळाले सीट? जाणून घ्या संपूर्ण माहिती