तिने पुढे सांगितले की, सहा वर्षांपूर्वी आलेला ‘थप्पड’ हा देखील असाच एक चित्रपट होता. योगायोगाने त्या चित्रपटाचे दिग्दर्शनही अनुभव सिन्हा यांनी केले होते आणि त्यातही ती मुख्य भूमिकेत होती. आता ‘अस्सी’ या चित्रपटालाही तशाच प्रकारचे प्रतिसाद मिळत आहेत.

तापसी म्हणाली की, ‘अस्सी’ला खूप चांगले रिव्ह्यू मिळत आहेत. अनेकांनी या विषयाला वैयक्तिक पातळीवर घेतले आहे. चित्रपटावर सुंदर लेख, व्हिडिओ आणि प्रतिक्रिया समोर येत आहेत. जर इतके लोक या चित्रपटाबद्दल मनापासून लिहित असतील, तर नक्कीच त्यात काहीतरी खास आहे. त्यामुळे प्रेक्षकांनी एकदा तरी हा चित्रपट पाहावा, असे तिने आवर्जून सांगितले.

Assi Movie

तिने असेही नमूद केले की, चित्रपट कसा वाटला ते जरूर कळवा. चांगला वाटला किंवा नसेल आवडला तरी प्रतिक्रिया द्या. “ही फिल्म कदाचित तुम्हाला अस्वस्थ करेल, पण ती तुमच्या लक्षात राहील,” असे ती म्हणाली.

‘अस्सी’ हा एक कोर्टरूम ड्रामा आहे. देशात दररोज घडणाऱ्या बलात्काराच्या घटनांवर हा चित्रपट भाष्य करतो. कथेत एका महिला शिक्षिकेवर सामूहिक अत्याचार होतो आणि त्यानंतरच्या न्यायालयीन लढ्याची कहाणी दाखवली आहे. तापसी पन्नू या चित्रपटात वकिलाच्या भूमिकेत दिसत आहे.

चित्रपटात तापसीसोबत कनी कुश्रुति, मोहम्मद जीशान अय्यूब, कुमुद मिश्रा, मनोज पाहवा आणि सुप्रिया पाठक महत्त्वाच्या भूमिकांत आहेत. तसेच नसीरुद्दीन शाह आणि सीमा पाहवा यांची विशेष उपस्थितीही आहे.

गंभीर आणि संवेदनशील विषयावर भाष्य करणारा ‘अस्सी’ हा चित्रपट सध्या चर्चेत आहे. अस्वस्थ करणारा असला तरी समाजाला विचार करायला लावणारा हा चित्रपट एकदा जरूर पाहावा, अशीच अपेक्षा तापसी पन्नूने व्यक्त केली आहे.

Taapsee Pannu: ‘अस्सी’ पाहताना अस्वस्थ वाटू शकतं; पण ही फिल्म नक्की पाहा… तापसी पन्नूची प्रेक्षकांना भावनिक अपील