T20 World Cup 2024 (Hardik Pandya vs Pakistan) : रोमहर्षक सामन्यात भारतीय संघाने पाकिस्तानचा 6 धावांनी पराभव केला. दमछाक करणाऱ्या या सामन्याचा निकाल शेवटच्या षटकात लागला. प्रथम फलंदाजी करताना भारतीय संघाने पाकिस्तानी संघाला 120 धावांचे लक्ष्य दिले. यानंतर पाकिस्तानी संघ 20 षटकांत केवळ 113 धावाच करू शकला. या सामन्यात हार्दिक पांड्याने शानदार गोलंदाजी केली. त्याने या सामन्यात दोन विकेट घेत एक मोठा विक्रम केला आहे.

हार्दिक पांड्याने केला ‘हा’ विक्रम 

भारतीय संघाचा स्टार अष्टपैलू खेळाडू हार्दिक पांड्याने पाकिस्तानविरुद्धच्या सामन्यात 4 षटके टाकली आणि 24 धावा दिल्या आणि दोन विकेट घेतल्या. यासह तो आंतरराष्ट्रीय टी-20 मध्ये पाकिस्तानविरुद्ध सर्वाधिक विकेट घेणारा भारतीय गोलंदाज बनला आहे. सर्व भारतीय खेळाडूंना मागे टाकत तो पहिल्या क्रमांकावर पोहोचला आहे. आतापर्यंत त्याने पाकिस्तानविरुद्ध टी-20 आंतरराष्ट्रीय सामन्यात एकूण 13 विकेट घेतल्या आहेत. दुसऱ्या क्रमांकावर भुवनेश्वर कुमार आहे. त्याच्या नावावर 11 विकेट आहेत. भारतीय संघाचा युवा गोलंदाज अर्शदीप सिंग तिसऱ्या क्रमांकावर आहे. त्याने पाकिस्तान संघाविरुद्ध टी-20 आंतरराष्ट्रीय सामन्यात 7 विकेट घेतल्या आहेत.

T20 World Cup 2024 : बुमराह ठरला गेमचेंजर..! थरारक सामन्यात टीम इंडियाचा पाकवर 6 धावांनी विजय…

पाकिस्तानविरुद्ध टी-20 मध्ये सर्वाधिक विकेट घेणारे भारतीय गोलंदाज :

हार्दिक पांड्या- 13 विकेट
भुवनेश्वर कुमार- 11 विकेट
अर्शदीप सिंह- 7 विकेट
इरफान पठान- 6 विकेट
जसप्रीत बुमराह- 5 विकेट