मुंबई – स्विगी इन्स्टामार्टवर कंडोम ऑर्डर करणाऱ्या ग्राहकांच्या संख्येत कमालीची वाढ झाली आहे. सर्वात आश्चर्याची गोष्ट म्हणजे कंडोम ऑर्डर करण्यात मुंबईचे ग्राहक आघाडीवर आहेत. मुंबईतील ग्राहकांनी गेल्या 12 महिन्यांत स्विगी इंस्टामार्टवर गेल्या वर्षीच्या तुलनेत 570 पट अधिक कंडोम मागवले आहेत,  ऑनलाइन फूड डिलिव्हरी प्लॅटफॉर्मनेच याचा खुलासा केला आहे.

अंडी, कंडोम, सॅनिटरी नॅपकिन्स आणि टॅम्पन्सना आता जास्तीत जास्त ऑर्डर मिळाल्याने क्विक-कॉमर्स सेवा Instamart ची गेल्या एका वर्षात 16 पट वाढ झाली आहे. देशातील मेट्रो शहरांमध्ये सॅनिटरी नॅपकिन्स, मासिक पाळीचे कप, टॅम्पन्स (गेल्या एका वर्षात सुमारे दोन दशलक्ष युनिट्स ऑर्डर केले गेले आहेत) आणि बँडेड (45,000 बॉक्स) यासारख्या वस्तूंसाठी जास्तीत जास्त ऑर्डर दिसल्या. एप्रिल ते जून या सर्वोच्च उन्हाळ्यात या शहरांमध्ये आईस्क्रीमची मागणी ४२ टक्क्यांनी वाढली आणि बहुतेक ऑर्डर रात्री १० वाजल्यानंतर देण्यात आल्या.

इन्स्टामार्टने सांगितले की, ग्राहकांनी इन्स्टंट नूडल्सची ५.६ दशलक्षाहून अधिक पॅकेट्स खरेदी केली आहेत. हैदराबादमधील वापरकर्त्यांनी उन्हाळ्याच्या महिन्यांमध्ये सुमारे 27,000+ ताज्या रसाच्या बाटल्या मागवल्या. याशिवाय गेल्या दोन वर्षांत अंड्यांची मागणी वाढली असून सुमारे 50 दशलक्ष अंड्यांच्या ऑर्डर या प्लॅटफॉर्मवर आल्या आहेत. बेंगळुरू, दिल्ली आणि मुंबईने गेल्या एका वर्षात सरासरी 6 दशलक्ष अंडी मागवली आहेत. नाश्त्याच्या वेळी बंगळुरू आणि हैदराबाद येथील ग्राहकांनी जास्तीत जास्त अंडी ऑर्डर केली.