Suvendu Adhikari: आरजी कार मेडिकल कॉलेज आणि हॉस्पिटलमध्ये एका महिला डॉक्टरवरील बलात्कार आणि हत्येप्रकरणी माजी कोलकाता पोलीस आयुक्त विनीत गोयल यांच्यासह तीन वरिष्ठ आयपीएस अधिकाऱ्यांना निलंबित केल्यानंतर दुसऱ्याच दिवशी, पश्चिम बंगालचे मुख्यमंत्री सुवेंदू अधिकारी यांनी शनिवारी माजी मुख्यमंत्री ममता बॅनर्जी आणि तृणमूल काँग्रेसचे नेते अभिषेक बॅनर्जी यांच्याविरुद्ध चौकशीचा इशारा दिला. २१ मे रोजी होणाऱ्या पोटनिवडणुकीच्या पार्श्वभूमीवर दक्षिण २४ परगणा जिल्ह्यातील फाल्टा येथे भाजपच्या सभेला संबोधित करताना, सुवेंदू यांनी आरोप केला की, मागील तृणमूल काँग्रेस सरकारने आरजीकार प्रकरणातील मुख्य आरोपीला वाचवण्याचा प्रयत्न केला होता आणि पक्षाच्या सत्तेच्या काळात अभिषेकने बेहिशेबी मालमत्ता जमा केली होती. मला या दोन्ही मुद्द्यांचा शेवट बघायचा आहे. ममता बॅनर्जी यांच्यावर निशाणा साधत ते म्हणाले, मागील मुख्यमंत्र्यांच्या सूचनेनुसार आर. जी. कार प्रकरणातील पुरावे दडपणाऱ्या तीन आयपीएस अधिकाऱ्यांना आधीच निलंबित करण्यात आले आहे. विनीत गोयल, इंदिरा मुखर्जी आणि अभिषेक गुप्ता यांचे फोन कॉल रेकॉर्ड आणि व्हॉट्सॲप चॅट्स जेव्हा सार्वजनिक केले जातील, तेव्हा तुम्हाला मागील सरकारची लबाडी दिसेल. तेव्हा तुम्हाला समजेल की तत्कालीन सरकार स्वतःची किती अधोगती करू शकते. Mamata Banerjee आरजीकार प्रकरणातील पीडितेची आई, रत्ना देबनाथ, यांनी नंतर नुकत्याच पार पडलेल्या पश्चिम बंगाल विधानसभा निवडणुकीत भाजपच्या तिकिटावर पाणीहाटी मतदारसंघातून निवडणूक लढवली आणि त्या विजयी झाल्या. काय आहे लीप्स अँड बाउंड्स ? अभिषेक बॅनर्जी यांचे नाव न घेता सुवेंदू म्हणाले, मी कोलकाता महानगरपालिकेकडून मालमत्तांची यादी आणली आहे. कोलकातामध्ये लीप्स अँड बाउंड्सच्या नावावर तुमच्या २४ मालमत्ता आहेत. दक्षिण २४ परगणामधील आमताला येथे तुमचे एक आलिशान पक्ष कार्यालय आहे. आता सर्व गोष्टींचा हिशोब घेतला जाईल. शिक्षक भरती घोटाळ्याच्या चौकशीदरम्यान लीप्स अँड बाउंड्स कंपनी चौकशीच्या फेऱ्यात आली होती, ज्यात घोटाळ्याशी संबंधित पैसे कंपनीच्या खात्यात हस्तांतरित केल्याचा आरोप होता. या प्रकरणी अंमलबारी संचालनालयाने (ईडी) यापूर्वीही अभिषेकची अनेक वेळा चौकशी केली आहे. हेही वाचा: Narayangaon News : जुन्नर तालुका मेडिकल प्रॅक्टिशनर्स असोसिएशनच्या अध्यक्षपदी डॉ. प्रशांत काचळे
