West Bengal BJP CM: पश्चिम बंगाल विधानसभा निवडणुकीत भारतीय जनता पक्षाला मिळालेल्या अभूतपूर्व यशानंतर, राज्याच्या नेतृत्वाची धुरा कोणाकडे जाणार या प्रश्नाचे अखेर उत्तर मिळाले आहे. भाजप विधीमंडळ पक्षाच्या नेतेपदी सुवेंदू अधिकारी यांची एकमताने निवड करण्यात आली असून, उद्या सकाळी ११ वाजता ते बंगालच्या मुख्यमंत्रीपदाची शपथ घेतील. ८ प्रस्ताव, नाव फक्त एकच! (West Bengal BJP CM) भाजपच्या नवनियुक्त आमदारांची बैठक आज कोलकाता येथे पार पडली. या बैठकीसाठी केंद्रीय निरीक्षक म्हणून केंद्रीय गृहमंत्री अमित शाह आणि ओडिशाचे मुख्यमंत्री मोहन चरण माझी उपस्थित होते. निवडीची प्रक्रिया स्पष्ट करताना अमित शाह म्हणाले की, “विधीमंडळ नेतेपदासाठी एकूण ८ प्रस्ताव सादर करण्यात आले. विशेष म्हणजे, या सर्व प्रस्तावांमध्ये केवळ सुवेंदू अधिकारी यांच्याच नावाचा उल्लेख होता. इतर नावासाठीही वेळ देण्यात आला होता, मात्र दुसरे कोणतेही नाव समोर आले नाही. त्यामुळे शुभेंदू अधिकारी यांची बिनविरोध निवड करण्यात येत आहे.” हेही वाचा – विजय तामिळनाडूचा मुख्यमंत्री होणार की नाही?, DMK-AIADMK ऐतिहासिक युतीच्या तयारीत? सस्पेन्स कायम ममता बॅनर्जींचा सलग दुसऱ्यांदा पराभव – शुभेंदू अधिकारी यांनी या निवडणुकीत विक्रमी कामगिरी केली आहे. त्यांनी नंदीग्राम आणि भवानीपूर या दोन्ही जागांवरून विजय मिळवला असून, भवानीपूरमध्ये त्यांनी मुख्यमंत्री ममता बॅनर्जी यांचा पराभव केला. २०२१ च्या निवडणुकीतही त्यांनी नंदीग्राममध्ये ममता बॅनर्जींना धूळ चारली होती. सलग दोनदा तृणमूल काँग्रेसच्या सर्वेसर्वांना पराभूत केल्यामुळे अधिकारी यांचा पक्षातला दबदबा वाढला आहे. संघर्षमय राजकीय प्रवास – १५ डिसेंबर १९७० रोजी पूर्व मेदिनीपूरच्या कांथी येथील एका राजकीय कुटुंबात शुभेंदू यांचा जन्म झाला. त्यांचे वडील शिशिर अधिकारी हे बंगालच्या राजकारणातील मातब्बर नाव आहे. १९८९ मध्ये काँग्रेसच्या ‘छात्र परिषद’मधून त्यांनी राजकीय प्रवासाला सुरुवात केली. डाव्यांच्या बालेकिल्ल्यात त्यांनी विद्यार्थी नेता म्हणून संघर्ष केला. १९९५ मध्ये कांथी नगरपालिकेत नगरसेवक म्हणून निवडून येत त्यांनी आपल्या संसदीय राजकारणाचा श्रीगणेशा केला. २०११ मध्ये बंगालमधील ३४ वर्षांची डाव्यांची सत्ता उलथवून लावणाऱ्या ‘नंदीग्राम आंदोलना’चे ते मुख्य शिल्पकार होते. West Bengal BJP CM: प. बंगालचा भाजपचा मुख्यमंत्री ठरला! सुवेंदू अधिकारी यांच्या नावावर शिक्कामोर्तब; उद्या घेणार मुख्यमंत्रीपदाची शपथ सुवेंदू अधिकारी हे आतापर्यंत ४ वेळा आमदार म्हणून निवडून आले आहेत. २००६ मध्ये पहिल्यांदा कांथी दक्षिण विधानसभा मतदारसंघातून ते आमदार म्हणून निवडून आले. त्यावेळी ते तृणमूल काँग्रेस (TMC) पक्षाचे उमेदवार होते. २०१६ मध्ये नंदीग्राम मतदारसंघातून ते दुसऱ्यांदा आमदार झाले. यावेळीही त्यांनी तृणमूल काँग्रेसकडून निवडणूक लढवली होती. २०२१मध्ये तिसऱ्यांदा नंदीग्राम मतदारसंघातूनच ते निवडून आले, मात्र यावेळी त्यांनी भारतीय जनता पक्षाकडून (BJP) निवडणूक लढवली आणि ममता बॅनर्जी यांचा पराभव केला. २०२६मध्ये नुकत्याच झालेल्या विधानसभा निवडणुकीत ते नंदीग्राम आणि भवानीपूर अशा दोन्ही जागांवरून भाजपच्या तिकिटावर विजयी झाले आहेत. राज्यपालांची घेणार भेट – (West Bengal BJP CM) मिळालेल्या माहितीनुसार, सुवेंदू अधिकारी थोड्याच वेळात राजभवनावर जाऊन राज्यपालांची भेट घेतील आणि सत्ता स्थापनेचा दावा मांडतील. उद्या सकाळी ११ वाजता होणाऱ्या या शपथविधी सोहळ्याकडे आता संपूर्ण देशाचे लक्ष लागले आहे. ‘बाहेरून आलेले नेते’ ही टीका खोडून काढत भाजपने शुभेंदू यांच्यावर विश्वास दाखवून बंगालमध्ये एका नव्या युगाची नांदी केली आहे.
