पुणे – राज्यातील लक्षवेधी लढत असलेल्या बारामती मतदारसंघात राष्ट्रवादी काँग्रेसच्या उमेदवार सुप्रिया सुळे यांनी उमेदवारी अर्ज दाखल केला. सुप्रिया सुळे यांनी कौन्सिल हॉलमध्ये आघाडीकडून अर्ज भरला. यावेळी काँग्रेस-राष्ट्रवादीचे दिग्गज नेते उपस्थित होते.
दरम्यान, सुप्रिया सुळे यांचा उमेदवारी अर्ज दाखल करताना त्यांचे पती सदानंद सुळे, मुलगी रेवती आणि बहीण नीता पाटील हे सुद्धा हजर होते.
बारामती लोकसभा मतदारसंघातून मी आणि पुणे शहर लोकसभा मतदार संघाचे आघाडीचे उमेदवार श्री.मोहन जोशी यांनी आज दि. ३ एप्रिल रोजी राष्ट्रवादी काँग्रेस-काँग्रेस-शेकाप-स्वाभिमानी शेतकरी संघटना आणि रिपाइं (कवाडे गट) आणि मित्र पक्ष आघाडीच्या वतीने उमेदवारी अर्ज दाखल केला. pic.twitter.com/FxRIPkO4Xq
— Supriya Sule (@supriya_sule) April 3, 2019
यानंतर नरपतगिरी चौक येथे झालेल्या सभेत सुप्रिया सुळे यांनी उपस्थितांशी संवाद साधला. यावेळी अजित पवार, काँग्रेसचे ज्येष्ठ नेते पृथ्वीराज चव्हाण, हर्षवर्धन पाटील, दिलीप वळसे-पाटील, संग्राम थोपटे, विश्वासनाना देवकाते, संजय जगताप उपस्थित होते.
त्याचबरोबर पुणे शहर लोकसभा मतदार संघाचे आघाडीचे उमेदवार मोहन जोशी यांनी आज (3 एप्रिल) राष्ट्रवादी काँग्रेस-काँग्रेस-शेकाप-स्वाभिमानी शेतकरी संघटना आणि रिपाइं (कवाडे गट) आणि मित्र पक्ष आघाडीच्या वतीने उमेदवारी अर्ज दाखल केला.
