मुंबई: नेटफ्लिक्सवर धुमाकूळ घालणाऱ्या ‘द ग्रेट इंडियन कपिल शो’ची लोकप्रियता दिवसागणिक वाढत आहे. या शोमध्ये परीक्षक म्हणून बसणाऱ्या अर्चना पूरण सिंग केवळ त्यांच्या हास्यासाठीच नव्हे, तर त्यांच्या ‘बिहाइंड द सीन’ (BTS) व्हिडिओंसाठीही ओळखल्या जातात. त्यांच्या नुकत्याच प्रदर्शित झालेल्या एका यूट्यूब व्हिडीओने सोशल मीडियावर खळबळ उडवून दिली आहे. अर्चना पूरण सिंग यांनी त्यांच्या यूट्यूब चॅनेलवर शूटिंगच्या पहिल्या दिवसाचा एक व्हिडीओ शेअर केला. यामध्ये त्या सेटवर कीकू शारदा, कृष्णा अभिषेक आणि सुनील ग्रोवर यांच्याशी गप्पा मारताना दिसत आहेत. गप्पांच्या ओघात कृष्णा अभिषेकची नजर अर्चना यांच्या हातातील एका मोठ्या हिऱ्याच्या अंगठीवर पडली. ती पाहून कृष्णा थक्क झाला आणि म्हणाला, “मॅडम, तुम्ही खरंच खूप श्रीमंत आहात!” याच दरम्यान सुनील ग्रोवरने आपल्या खास शैलीत अर्चना यांना टोमणा मारला. अर्चना यांची ती हिऱ्याची अंगठी पाहून सुनील म्हणाला, “मॅडम, या अंगठीच्या किमतीत तर मुंबईत ७ बेडरूमचे आलिशान फ्लॅट्स सहज मिळतील!” सुनीलचा हा मजेशीर संवाद ऐकून सेटवर उपस्थित असलेल्या सर्वांची हसून हसून पुरेवाट झाली. सेटवर अनेकदा अर्चना पूरण सिंग यांच्यावर जोक केले जातात किंवा त्यांना टोमणे मारले जातात. यावर अर्चना कधी नाराज होतात का? असा प्रश्न विचारल्यावर त्यांनी अतिशय स्पष्ट उत्तर दिले. अर्चना म्हणाल्या, “मी या गोष्टींचा अजिबात राग धरत नाही, उलट मी हे सर्व एन्जॉय करते.” अर्चना यांचा हा सकारात्मक दृष्टिकोन पाहून सुनील ग्रोवरनेही त्यांचे कौतुक केले. सोशल मीडियावर व्हिडीओ व्हायरल.! अर्चना पूरण सिंग यांचे यूट्यूब चॅनेल चाहत्यांमध्ये अतिशय लोकप्रिय आहे. त्यांच्या घरातून सुरू होणारा हा प्रवास आणि सेटवरील कलाकारांसोबतची त्यांची मैत्री चाहत्यांना खूप आवडते. सध्या या व्हिडीओमधील ‘७ बेडरूम फ्लॅट’ वाला डायलॉग नेटकऱ्यांमध्ये चर्चेचा विषय ठरला आहे.
