Sunetra Pawar: बारामती विधानसभा पोटनिवडणुकीसाठी सुनेत्रा पवार आज उमेदवारी अर्ज दाखल करणार आहेत. बारामती विधानसभा पोटनिवडणुकीचा अर्ज भरण्याआधी सुनेत्रा पवार (Sunetra Pawar) या विद्या प्रतिष्ठान या ठिकाणी दाखल झाल्या आहेत. बारामती विधानसभेच्या पोटनिवडणुकीकरिता उपमुख्यमंत्री आज दुपारी 12:30 वाजता अर्ज भरणार आहेत. यावेळी महायुतीमधील महत्वाचे नेते उपस्थित असणार असल्याची माहिती मिळत आहे. उमेदवारी अर्ज दाखल करण्यापूर्वी सुनेत्रा पवार (Sunetra Pawar) यांनी अजित दादांच्या स्मृतिस्थळाला भेट दिली. यावेळी त्यांच्यासोबत पार्थ पवार आणि जय पवार हे देखील उपस्थित होते. लक्ष्मण हाकेंची माघार Sunetra Pawar दुसरीकडे, बारामती पोटनिवडणुकीत ट्वीस्ट आल्याचे पाहायला मिळाले. लक्ष्मण हाके यांनी आपला उमेदवारी अर्ज न भरता निवडणुकीतून माघार घेण्याचा निर्णय घेतला आहे. दत्तात्रय भरणे यांनी केलेल्या यशस्वी मध्यस्थीमुळे हाके यांनी सुनेत्रा पवार यांना पाठिंबा जाहीर केल्याचे समजते. मात्र, आता हाके यांच्या माघारीनंतर सुनेत्रा पवारांसमोर काँग्रेस उमेदवार आकाश मोरे यांचे आव्हान असणार आहे. Sunetra Pawar हेही वाचा: Mint Benefits: “गॅस-अॅसिडिटीने त्रासलात? पुदिना ठरेल तुमचा बेस्ट उपाय”
