फेब्रवारी, मार्च आणि एप्रिल या महिन्यात मुलांच्या परीक्षा असतात. त्यानंतर मुलांच्या उन्हाळ्याच्या सुट्ट्या सुरू होतात. या सुट्ट्यांमध्ये मुलं मामाच्या गावाला जातात किंवा आपल्या कुटुबांतील आई वडिलांसोबत पिकनकचे नियोजन करतात. कारण उन्हाळ्याची सुट्टी सर्वांसाठीच विशेष असते. वर्षभर मुलं उन्हाळ्याच्या सुट्ट्यांची आतुरतेने वाट पाहतात. काही मुलं सुट्टी अधिक धमाकेदार करण्यासाठी आई बाबांसोबत मराठी नाटकं आणि सिनेमे पाहण्यासाठी जातात. सध्या एका चित्रपटाची जोरदार चर्चा होत आहे. एप्रिल ९९ असे या सिनेमाचे नाव असून या सिनेमाचा टीझर नुकताच रिलीज झाला आहे. काही दिवसांपूर्वीच या सिनेमाचं पोस्टर समोर आलं होतं. आता या सिनेमाचा टीझरही समोर आला आहे. यामुळे एप्रिल ९९ सिनेमाची उत्सुकता प्रेक्षकांमध्ये निर्माण झाली आहे. मापुस्कर ब्रदर्स इन असोसिएशन फिंगर प्रिंट फिल्म्स, नेक्सस अलायन्स, थिंक टँक आणि मॅगीज पिक्चर्स प्रस्तुत ‘एप्रिल मे ९९’ या चित्रपटात मैत्री, तारुण्य आणि उन्हाळ्याच्या सुट्टीतील गोड आठवणींची एक अनोखी गोष्ट पाहायला मिळणार आहे. टीझरमधून निसर्गसौंदर्य लाभलेल्या कोकणाची झलक पाहायला मिळते. तसेच उन्हाळ्याच्या सुट्ट्यांचा आनंद लुटणारी मुलं दिसतात. ‘एप्रिल मे ९९’ या चित्रपटाचे लेखन आणि दिग्दर्शन रोहन मापुस्कर यांनी केले आहे. राजेश मापुस्कर, मधुकर कोटीयन, जोगेश भूटानी , मॉरिस नून हे निर्माते आहेत तर लॉरेन्स डिसोझा सह निर्माते आहेत. याअगोदर रोहन मापुस्कर यांनी व्हेटिंलेटर चित्रपटाचे दिग्दर्शन केले होते. १६ मे रोजी हा सिनेमा प्रेक्षकांच्या भेटीला येणार आहे
