Success Story of Prerna । MBBS चा अभ्यासक्रम करण्यासाठी घेतलेल्या नीट वैद्यकीय परीक्षेला जगातील सर्वात कठीण परीक्षांपैकी एक म्हणणे चुकीचे ठरणार नाही. ही परीक्षा अत्यंत कठीण मानले जाते पण अनेक उमेदवारांसाठी, त्यांची परिस्थितीच त्यांच्यासाठी एक परीक्षा असते ज्यामुळे NEET सारख्या परीक्षा त्यांच्यासाठी आणखी कठीण होतात. मात्र या परिस्थितीवर मात करून यश मिळवणे हे काही कमी नसते. अशीच कहाणी आहे राजस्थानच्या प्रेरणाची. जिने अनेक अडचणींवर मात करून यश मिळवले आणि आता ती तिच्या वडिलांचे स्वप्न पूर्ण करण्यास तयार झाली आहे. आजच्या Success Story मध्ये जाणुन घेऊ २०२३ मध्ये AIR १०३३ रँकसह NEET मध्ये पात्रता मिळवणाऱ्या प्रेरणाची कहाणी…

२०२३ मध्ये, कोटाच्या प्रेरणाने परीक्षा जिंकली Success Story of Prerna । 

भारतातील सर्वात कठीण परीक्षांपैकी एक, राष्ट्रीय पात्रता सह प्रवेश परीक्षा, NEET मध्ये प्रेरणाच्या यशाची कहाणी खरोखरच लाखो विद्यार्थ्यांसाठी प्रेरणादायी आहे. राजस्थानातील कोटा याठिकाणी तिच्या भावंडांसह राहणाऱ्या प्रेरणाचे वडील NEET ची तयारी करत  तिला सोडून गेले. त्यावेळी त्यांच्या कुटुंबाची परिस्थिती अत्यंत हलाख्याची होती. कुटुंब कर्जाच्या ओझ्याने दबले गेले होते. अशा कठीण काळात वडिलांचे स्वप्न प्रेरणाने उराशी बाळगले.

कर्ज फेडू न शकल्याने घर सोडावे लागले
दरम्यान ,  वडिलांच्या निधनामुळे तिच्या चार भावंडांची काळजी घेण्याची आणि २७ लाख रुपयांच्या कर्जाची जबाबदारी प्रेरणाच्या नाजूक खांद्यावर आली. कर्ज फेडू न शकल्यामुळे तिच्या कुटुंबाला राहते घरही सोडावे लागले. तो काळ कोविड-१९ साथीच्या आजाराचा होता .  त्यामुळे परिस्थिती आणखी बिकट बनली. या सगळ्याला न जुमानता, प्रेरणाने नीट परीक्षा उत्तीर्ण होण्याचा दृढनिश्चय केला.

छोट्या खोलीत १०-१२ तास अभ्यास केला 

चार भावंडे आई असा प्रेरणांचा परिवार आहे. एवढे मोठे कुटुंब लहानशा खोलीत राहायचे, खोली एवढी लहान होती कि नीट झोपायलाही जागा नव्हती. मात्र अशा परिस्थितीतही ती दररोज १०-१२ तास अभ्यास करायची. झोप न घेता किंवा खाण्यापिण्याचा विचार न करता प्रेरणाने आपली तयारी सुरू ठेवली.

५०० रुपयांच्या पेन्शनच्या मदतीने उदरनिर्वाह 

प्रेरणा आणि तिच्या भावंडांच्या जगण्याचा एकमेव आधार म्हणजे त्यांच्या आईच्या नावावर मिळणारे मासिक ५०० रुपये पेन्शन. वडिलांच्या निधनाने नातेवाईकांनाही पाठ फिरवली. प्रेरणाकडे पैसे नव्हते, म्हणून ती सायकलने किंवा पायी प्रवास करायची.

पहिल्या प्रयत्नात यश Success Story of Prerna । 
अशा कठीण परिस्थितीत दिवस काढत …दिवसरात्र मेहनत करत प्रेरणाने पहिल्याच प्रयत्नात NEET परीक्षा उत्तीर्ण केली. तिने NEET २०२२ मध्ये ७२० पैकी ६८६ गुण मिळवून यश मिळवले आणि सुमारे २.५ लाख विद्यार्थ्यांमधून १०३३ वा क्रमांक मिळवला. नीट यूजी निकाल २०२३ नंतरच्या यशाबद्दल बोलताना प्रेरणाने, ‘माझे वडील माझे सर्वात मोठे प्रेरणास्थान होते. त्याने मला शिकवले की आर्थिक परिस्थिती कितीही कठीण असली तरी, माझी स्वप्ने पूर्ण करण्यापासून कोणीही मला रोखू शकत नाही.” असे म्हटले.

दरम्यान , आता काही दिवसात प्रेरणा आपल्या वडिलांचे स्वप्न पूर्ण करून डॉ.प्रेरणा बनणार आहे.प्रबळ इच्छाशक्तीच्या जोरावर कोणत्याही कठीण परिस्थितीला सामोरे जाण्याचे धाडस ज्यांच्याकडे असते तेच यशाचे शिखर पार करू शकतात हेच प्रेरणाने सिद्ध केले आहे.