नेवासे : खालाल पिंप्री (ता.नेवासे) येथील जिल्हा परिषद प्राथमिक शाळेची प्रचंड दुरावस्था झालेली असून शाळेच्या दोन वर्ग खोल्या या अतिशय जीर्ण अवस्थेत मोडकळीस आलेल्या आहेत. तर दुसऱ्या दोन वर्ग खोल्यांमध्येच इयत्ता पहिली ते चौथीपर्यंत शाळा भरवली जाते.

एका वर्ग खोलीत दोन वर्ग भरवले जात असून या वर्गखोलीच्या छतावरील पत्रेही गळके झालेले आहेत. पाऊस आला की, शिक्षकांसह विद्यार्थीही ओले चिंब होत असून वर्गातील साचलेले पाणी बाहेर काढण्याचे काम विद्यार्थी आणि शिक्षकांना करावे लागत आहेत. या गावात इयत्ता पहिली ते चौथीपर्यंत जिल्हा परिषद प्राथमिक शाळा असून येथे एकूण ३८ विद्यार्थीच शिक्षण घेत आहेत दोन शिक्षक चार वर्ग सांभाळून या छोटे खेडे गावात पवित्र ज्ञानार्जनाचे काम करत आहेत.

या गावातील शाळेला पक्की इमारत मिळणे ही अत्यंत गरजेची बाब बनलेली असून यासाठी शिक्षण विभागाने पुढाकार घेण्याची नितांत गरज असल्यासाचे मत ग्रामस्थांमधून व्यक्त केले जात आहे. दैनिक प्रभात’ने खालाल पिंप्री (ता. नेवासे) येथील जिल्हा परिषद प्राथमिक शाळेला भेट दिली असता हे वास्तव चित्रण समोर आले.

या गावात इयत्ता पहिली ते चौथीपर्यंत शाळा असून दोन वर्ग खोल्या या अतिशय जुनाट आणि जीर्ण अवस्थेत असतांना ‘ज्या’ दोन वर्ग खोल्यांमध्ये ही शाळा भरविली जाते. ‘त्या’ जुन्या वर्ग खोल्या सुद्धा पाऊस आला की, गळत असल्यामुळे विद्यार्थ्यांसह शिक्षकही ओले चिंब होऊन वर्गात साचलेले पाणी बाहेर काढण्याचे काम ते सध्या करत असल्याचे ‘आँखो देखे’ वास्तव चित्रण दैनिक प्रभात’च्या पाहणीत समोर आलेले आहे. त्यामुळे या गावाच्या जिल्हा परिषद प्राथमिक शाळेच्या नवीन इमारतीला तात्काळ मंजुरी मिळणे ही आता गरजेची बाब झालेली आहे.

खलाल पिंप्री (ता.नेवासे) ही शाळा देवगड जवळ असून अतिशय जुन्या इमारतीमध्ये येथील शाळा भरत असून या शाळेला नव्या इमारतीची गरज असून गावकरी आणि येथील शिक्षक वरिष्ठाकडे पाठपुरावा करत आहेत. मात्र त्यांनाही अद्याप यश आलेले नसल्यामुळे या धोकादायक वर्ग खोल्यात जीव मुठीत धरुन बालचीमुकले सध्या शिक्षण घेत असल्यामुळे वरिष्ठानी या शाळेस समक्ष भेट देवून पाहणी करून तात्काळ नव्या इमारतीला मंजुरी द्यावी अशी मागणी सध्या पालक वर्गातून केली जात आहे.

खालाल पिंप्री (ता.नेवासे) येथील जिल्हा परिषद प्राथमिक शाळेची जुनाट इमारत ही शेवटची घटका मोजत असून या शाळेचे पत्रेही आता गळके झालेले असून पाऊस आला की, शिक्षकांसह विद्यार्थी सध्या या वर्ग खोल्यातून पाणी बाहेर काढण्याचे काम करत आहे अशा या धोकादायक वर्ग खोल्यातून पवित्र ज्ञानार्जनाचे काम सध्या सुरु असून नेवासे तालुका गटशिक्षण विभागाने याकडे लक्ष घालण्याची गरज असल्याचे मत सुज्ञ नागरिकांतून व्यक्त केले जात आहे.