Stock markets fall : पश्चिम आशियात पुन्हा निर्माण झालेल्या भू-राजकीय तणावाचा परिणाम भारतीय शेअर बाजारावर सलग दुसऱ्या दिवशी दिसून आला. ऊर्जा पुरवठ्याबाबतच्या चिंतेमुळे गुंतवणूकदारांमध्ये अस्वस्थता वाढली असून, परदेशी गुंतवणूकदारांची विक्री आणि जागतिक बाजारातील कमकुवत संकेतांमुळे शुक्रवारी बाजार मोठ्या घसरणीसह बंद झाला. मुंबई शेअर बाजाराचा ३० समभागांचा सेन्सेक्स ५१६.३३ अंकांनी म्हणजेच ०.६६ टक्क्यांनी घसरून ७७,३२८.१९ अंकांवर बंद झाला. व्यवहारादरम्यान तो ६९८ अंकांनी घसरून ७७,१४६.४३ या नीचांकी पातळीपर्यंत पोहोचला होता. राष्ट्रीय शेअर बाजाराचा निफ्टीही १५०.५० अंकांनी म्हणजे ०.६२ टक्क्यांनी घसरून २४,१७६.१५ अंकांवर स्थिरावला. हेही वाचा – रुपया 25 पैशांनी घसरून 94.47 च्या पातळीवर; पश्चिम आशियातील तणावाचा परिणाम एसबीआय शेअरमध्ये ६.६२ टक्के घसरण – (Stock markets fall ) Stock markets fall : ‘या’ कारणामुळे सलग दुसऱ्या दिवशी शेअर बाजार कोसळला! सेन्सेक्स 516, निफ्टीत 150 अंकांची घसरण सेन्सेक्समधील समभागांमध्ये स्टेट बँक ऑफ इंडियाच्या शेअरमध्ये सर्वाधिक ६.६२ टक्क्यांनी घसरण झाली. मार्च तिमाहीतील निकालानंतर गुंतवणूकदारांनी विक्रीचा सपाटा लावला. याशिवाय एचडीएफसी बँक, बजाज फायनान्स, अॅक्सिस बँक, अल्ट्राटेक सिमेंट आणि महिंद्रा अँड महिंद्रा यांच्या समभागांनाही फटका बसला. टायटन शेअर ४.७६ टक्क्यांनी वधारला – दुसरीकडे, टायटन कंपनीचा शेअर ४.७६ टक्क्यांनी वधारला. कारण कंपनीने मार्च तिमाहीत एकत्रित निव्वळ नफ्यात ३५.३६ टक्क्यांची वाढ नोंदवत १,१७९ कोटी रुपयांचा नफा जाहीर केला आहे. एशियन पेंट्स, अदानी पोर्ट्स, इन्फोसिस आणि एचसीएल टेक हे समभागही वाढीसह बंद झाले. ब्रेंट क्रूड प्रति बॅरल १०० डॉलरवर – आंतरराष्ट्रीय बाजारात ब्रेंट क्रूड तेलाचा दर प्रति बॅरल १०० डॉलरच्या आसपास व्यवहार करत होता. अमेरिकेने इराणजवळील होर्मूज सामुद्रधुनी परिसरात केलेल्या लष्करी कारवाईमुळे युद्धविरामाच्या आशांवर पाणी फिरले आणि बाजारात नफा वसुली वाढल्याचे मत जिओजित इन्व्हेस्टमेंट्स लिमिटेडचे संशोधन प्रमुख विनोद नायर यांनी व्यक्त केले. मात्र, कच्च्या तेलाच्या किमती स्थिर राहणे आणि अमेरिकन बाँड उत्पन्नात मोठी वाढ न होणे ही बाजारासाठी दिलासादायक बाब असल्याचे त्यांनी सांगितले. आशियाई बाजारांत दक्षिण कोरियाचा कोस्पी निर्देशांक किरकोळ वाढीसह बंद झाला. मात्र जपानचा निक्केई, चीनचा शांघाय कंपोझिट आणि हाँगकाँगचा हँगसेंग निर्देशांक घसरणीत राहिला. युरोपातील प्रमुख बाजारही तोट्यात व्यवहार करत होते. दरम्यान, गुरुवारी परदेशी संस्थात्मक गुंतवणूकदारांनी भारतीय बाजारातून ३४०.८९ कोटी रुपयांची गुंतवणूक काढून घेतले.
