Stock Market: आज, 21 फेब्रुवारी सलग चौथ्या दिवशी शेअर बाजारात घसरण सुरूच आहे. सेन्सेक्स 425 अंकांनी घसरला. तर निफ्टी 22,800 च्या पातळीच्या खाली गेला. निफ्टी मेटल निर्देशांक वगळता इतर सर्व 12 क्षेत्रीय निर्देशांक लाल रंगात बंद झाले. त्यामुळे शेअर बाजारातील गुंतवणूकदारांची संपत्ती आज सुमारे 3.04 लाख कोटी रुपयांनी कमी झाली. गेल्या 2 दिवसांपासून सुरू असलेला मिडकॅप आणि स्मॉलकॅप शेअर्समधील वाढीचा कल आज थांबला. BSE मिडकॅप निर्देशांक 1.18 टक्क्यांनी आणि स्मॉलकॅप निर्देशांक 0.43 टक्क्यांनी घसरत बंद झाले. सलग तिसऱ्या आठवड्यात सेन्सेक्स आणि निफ्टी घसरणीसह बंद झाले आहेत.

व्यवहाराच्या शेवटी, बीएसई सेन्सेक्स 424.90 अंकांनी किंवा 0.56 टक्क्यांनी घसरून 75,311.06 वर बंद झाला. NSE चा 50 शेअर्सचा निर्देशांक निफ्टी 117.25 अंकांनी किंवा 0.51 टक्क्यांनी घसरला आणि 22,795.90 वर बंद झाला.

गुंतवणूकदारांचे 3.04 लाख कोटी रुपयांचे नुकसान-

BSE वर सूचीबद्ध कंपन्यांचे एकूण बाजार भांडवल आज 21 फेब्रुवारी रोजी 401.81 लाख कोटी रुपयांपर्यंत खाली आले, जे त्याच्या आधीच्या ट्रेडिंग दिवशी म्हणजेच बुधवार, 20 फेब्रुवारी रोजी 404.85 लाख कोटी रुपये होते. अशाप्रकारे, BSE मध्ये सूचीबद्ध कंपन्यांचे मार्केट कॅप आज सुमारे 3.04 लाख कोटी रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 3.04 लाख कोटी रुपयांची घट झाली आहे.

या 5 सेन्सेक्स समभागांमध्ये सर्वाधिक वाढ  –

आज बीएसई सेन्सेक्सच्या 30 पैकी 9 शेअर्स हिरव्या रंगात म्हणजेच वाढीसह बंद झाले. यामध्ये टाटा स्टीलच्या शेअर्समध्ये सर्वाधिक 1.88 टक्के वाढ झाली आहे. यानंतर लार्सन अँड टुब्रो (एल अँड टी), एचसीएल टेक, एशियन पेंट आणि एचडीएफसी बँकेचे शेअर्स 0.31 टक्क्यांनी ते 1.10 टक्क्यांच्या वाढीसह बंद झाले.

सेन्सेक्सचे हे 5 समभाग सर्वाधिक घसरले –

सेन्सेक्समधील उर्वरित 21 समभाग आज घसरणीसह बंद झाले. यामध्येही महिंद्रा अँड महिंद्रा (एम अँड एम) चे शेअर्स 6.07 टक्क्यांनी घसरून सर्वाधिक घसरले. तर अदानी पोर्ट्स, टाटा मोटर्स, सन फार्मा आणि पॉवर ग्रिडचे शेअर्स 1.52 ते 2.57 टक्क्यांपर्यंत घसरले.

शेअर बाजारातील या घसरणीमागील 5 मुख्य कारणे जाणून घेऊया-

1) ट्रम्पच्या टॅरिफ धमक्या

अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा रेसिप्रोकल टॅरिफ लादण्याच्या त्यांच्या भूमिकेचा पुनरुच्चार केला आहे, त्यामुळे गुंतवणूकदारांचे मनोबल खचले आहे. हा दर लागू केल्यास फार्मा आणि ऑटोमोबाईल क्षेत्रांना विशेषतः आव्हानांचा सामना करावा लागू शकतो.

२) विदेशी गुंतवणूकदारांची सतत विक्री –

विदेशी संस्थागत गुंतवणूकदारांची (एफआयआय) विक्री थांबताना दिसत नाही. गुरुवारी त्यांनी 3,311.55 कोटी रुपयांचे शेअर्स विकले. या वर्षात आतापर्यंत विदेशी गुंतवणूकदारांची एकूण विक्री 98,229 कोटी रुपयांवर पोहोचली आहे. विश्लेषकांचा असा विश्वास आहे की FII कडून सतत विक्री होत असूनही, स्मॉलकॅप मिडपॅक समभागांचे मूल्यांकन अजूनही उंचावलेले दिसते. दरम्यान, तिसऱ्या तिमाहीतील कमजोर निकाल आणि मजबूत अमेरिकन डॉलरचा परिणाम गुंतवणूकदारांच्या भावनेवर झाला आहे.

3) चीनच्या शेअर बाजारातील वाढते स्वारस्य –

चीनच्या शेअर बाजारातील खरेदीची आवड पुन्हा वाढत आहे. हँग सेंग निर्देशांकात शुक्रवारी 3 टक्क्यांहून अधिक वाढ झाली. गुंतवणूकदारांना चिनी शेअर्सचे मूल्यांकन अधिक आकर्षक वाटत आहे. दरम्यान, एका महत्त्वाच्या घडामोडीमध्ये, चीनचे अध्यक्ष शी जिनपिंग यांनी अलीबाबाचे संस्थापक जॅक मा यांच्यासह अनेक देशांतील अनेक तंत्रज्ञान उद्योजकांची बैठक घेतली. या बैठकीत त्यांनी चीनच्या आर्थिक मॉडेलवर विश्वास ठेवण्याचे आवाहन केले. परदेशी गुंतवणूकदार भारतातील शेअर बाजारातील पैसे काढून काही जण चीनच्या बाजारात ही गुंतवणूक करत आहेत. कारण येथील शेअर्स स्वस्त असून त्यातून कमाईची शक्यता जास्त आहे.

4) कच्च्या तेलाच्या वाढत्या किमती-

सलग तिसऱ्या सत्रात कच्च्या तेलाच्या किमतीत वाढ झाल्याने भारतीय बाजारांची चिंता वाढली आहे. रशियातील पुरवठा-संबंधित चिंतेमुळे गुरुवारी ब्रेंट क्रूड फ्युचर्समध्ये वाढ झाली. भारत हा कच्च्या तेलाचा सर्वात मोठा खरेदीदार आहे. अशा परिस्थितीत, त्याच्या किंमती वाढल्याने देशाच्या व्यापार संतुलनावर नकारात्मक परिणाम होतो. याशिवाय कच्च्या तेलाच्या वाढत्या किमतींमुळे महागाईवरही दबाव येऊ शकतो, त्यामुळे व्याजदर दीर्घकाळ उच्च राहू शकतात आणि त्याचा परिणाम कंपन्यांच्या उत्पन्नावरही होऊ शकतो. विशेषतः विमान वाहतूक, लॉजिस्टिक आणि तेल विपणन कंपन्यांच्या नफ्यावर परिणाम होऊ शकतो.