Stock Market: अमेरिका आणि इराण यांच्यातील तणाव कमी होऊन 2 आठवड्याच्या युद्धविरामाची बातमी समोर आल्यानंतर भारतीय शेअर बाजारात बुधवारी जोरदार तेजी पाहायला मिळाली. कच्च्या तेलाच्या किमतीत झालेली घसरण आणि जागतिक बाजारांकडून मिळालेले सकारात्मक संकेत यामुळे गुंतवणूकदारांनी मोठ्या प्रमाणावर खरेदी केली. दिवसभराच्या व्यवहाराअंती बीएसईचा सेन्सेक्स २,९४६ अंकांनी (३.९५%) उसळून ७७,५६२.९० वर बंद झाला. तर निफ्टी निर्देशांक ८७३.७० अंकांच्या (३.७८%) वाढीसह २३,९९७.३५ वर स्थिरावला. अलीकडील काही महिन्यांतील ही सर्वात मोठी इंट्राडे तेजी मानली जात आहे. या तेजीमध्ये सर्वच क्षेत्रांचा सहभाग दिसून आला. विशेषतः बँकिंग क्षेत्रातील समभागांनी आघाडी घेतली. बाँड यिल्डमध्ये घट झाल्याने वित्तीय क्षेत्रातील शेअर्सना चांगला आधार मिळाला. निफ्टी बँक निर्देशांक जवळपास ३,००० अंकांनी वाढला, जो मागील पाच वर्षांतील सर्वात मोठी उसळी ठरला. युद्धविरामानंतर कच्च्या तेलाच्या किमतीत मोठी घसरण झाल्याने तेलाशी संबंधित क्षेत्रांमध्ये मोठी खरेदी झाली. ऑइल मार्केटिंग कंपन्या आणि एअरलाईन क्षेत्रातील समभागांमध्ये तब्बल १० टक्क्यांपर्यंत वाढ नोंदवली गेली. बाजार भांडवल ₹१६.३३ लाख कोटींनी वाढले – Stock Market बीएसईवरील सूचीबद्ध कंपन्यांचे एकूण बाजार भांडवल (मार्केट कॅप) आज ४४५.५९ लाख कोटी रुपयांवर पोहोचले, जे मागील सत्रात ४२९.२६ लाख कोटी रुपये होते. यामुळे एका दिवसात गुंतवणूकदारांच्या संपत्तीत सुमारे १६.३३ लाख कोटी रुपयांची भर पडली. Stock Market: शेअर बाजारात पैशांचा पाऊस; सेन्सेक्स 2,946 अंकांनी उसळला, गुंतवणूकदारांना 16 लाख कोटींचा फायदा या शेअर्समध्ये सर्वाधिक तेजी – सेन्सेक्समधील ३० पैकी २७ समभाग वाढीसह बंद झाले. त्यामध्ये इंडिगोच्या समभागात ८.२२% ची सर्वाधिक वाढ झाली. त्याखालोखाल लार्सन अँड टुब्रो, बजाज फायनान्स, महिंद्रा अँड महिंद्रा आणि अॅक्सिस बँक या समभागांमध्ये ६.५६% ते ७.६४% दरम्यान वाढ नोंदवली गेली. फक्त ३ समभाग घसरले – दुसरीकडे, टेक महिंद्रा या समभागात ०.८७% घसरण होऊन तो सर्वाधिक घसरलेला ठरला. तसेच सन फार्मा आणि पॉवरग्रिड या समभागांमध्ये अनुक्रमे ०.२७% ते ०.५२% घसरण झाली. Stock Market ४,४९७ समभागांमध्ये व्यवहार – आज बीएसईवर एकूण ४,४९७ समभागांमध्ये व्यवहार झाला. त्यापैकी ३,८५८ समभाग वाढीसह बंद झाले, तर १,५६० समभाग घसरले. ५३७ समभाग स्थिर राहिले. याशिवाय, ९९ समभागांनी ५२ आठवड्यांचा उच्चांक गाठला, तर २८ समभागांनी ५२ आठवड्यांचा नीचांक नोंदवला.
