मुंबई: अमेरिकेच्या फेडरल रिझर्व्हच्या धोरणात्मक घोषणेपूर्वी जागतिक बाजारातून मिळालेल्या संमिश्र संकेतांच्या पार्श्वभूमीवर, भारतीय शेअर बाजारातील घसरणीचा सिलसिला बुधवारीही कायम राहिला. सेन्सेक्स आणि निफ्टी या दोन्ही प्रमुख निर्देशांकांनी सलग तिसऱ्या दिवशी लाल निशाणीवर क्लोजिंग दिली. बुधवारी सेन्सेक्स २७५ अंकांनी घसरून ८४,३९१ च्या स्तरावर बंद झाला. सेन्सेक्सने ८४,६०७ च्या पातळीवर ओपनिंग दिली होती आणि दिवसअखेर तो ०.३२ टक्क्यांनी घसरला. त्याचप्रमाणे, निफ्टी ५० देखील ०.३२ टक्क्यांनी घसरून २५,७५८ वर स्थिरावला. निफ्टीने २५,८६४ च्या पातळीवर सुरुवात केली होती. प्रमुख निर्देशांकांच्या तुलनेत मिडकॅप आणि स्मॉलकॅप निर्देशांकांची कामगिरी अत्यंत निराशाजनक ठरली. बीएसई मिडकॅपमध्ये १.७० टक्क्यांची मोठी घसरण नोंदवली गेली, तर बीएसई स्मॉलकॅपमध्येही ०.५८ टक्क्यांची घट झाली. आज निफ्टी ५० मधील कंपन्यांमध्ये आयशर मोटर्स (१.४९%), हिंडाल्को (१.०९%), एचडीएफसी लाईफ (१.०७%), टाटा स्टील (०.९८%) आणि कोल इंडिया (०.७४%) या शेअर्समध्ये सर्वाधिक तेजी दिसून आली. याउलट, इंडिगोला (३.२७%) सर्वाधिक नुकसान सोसावे लागले. त्यापाठोपाठ इटरनल (२.९०%), ट्रेंट (१.६५%), अदानी एंटरप्रायझेस (१.५०%) आणि श्रीराम फायनान्स (१.१२%) या शेअर्समध्ये मोठी घसरण झाली. बुधवारी बाजारात निवडक क्षेत्रांत तेजी दिसून आली. निफ्टी मीडिया (०.४८%) आणि निफ्टी मेटल (०.४६%) हे क्षेत्र सर्वाधिक तेजीत राहिले. याशिवाय निफ्टी कमोडिटीज (०.२३%), निफ्टी फार्मा (०.१७%) आणि निफ्टी ऑइल अँड गॅस (०.११%) मध्ये किरकोळ वाढ झाली. मात्र, अनेक महत्त्वाच्या क्षेत्रांना घसरणीचा सामना करावा लागला. यामध्ये निफ्टी कॅपिटल मार्केट (२.३०%) मध्ये सर्वात मोठी पडझड झाली. निफ्टी इंडिया टूरिझम (१.५०%), निफ्टी आयटी (०.८९%), निफ्टी पीएसयू बँक (०.७०%) आणि निफ्टी बँक (०.४४%) मध्ये देखील लक्षणीय घसरण नोंदवण्यात आली. बीएसई सूचीबद्ध कंपन्यांचे एकूण बाजार भांडवल आज ४६३.८२ लाख कोटींवर घसरले, जे मागील दिवशी ४६४.९१ लाख कोटी रुपये होते. सूचीबद्ध कंपन्यांचे बाजार भांडवल आज १.०९ लाख कोटींनी घसरले. दुसऱ्या शब्दांत गुंतवणूकदारांच्या संपत्तीत १.०९ लाख कोटींनी घट झाली.
